കശ്​മീരിൽ സുരക്ഷ സേനയും ഭീകരരും തമ്മിൽ ഏറ്റുമുട്ടൽ

ശ്രീനഗർ: കശ്​മീരിലെ ചട്ടബാൽ മേഖലയിൽ സുരക്ഷസേനയും ഭീകരരും തമ്മിൽ ഏറ്റുമുട്ടൽ. ഏറ്റുമുട്ടലിൽ ഒരു ഭീകരനെ വധിച്ചുവെന്നാണ്​ റിപ്പോർട്ടുകൾ. ഒരു വീടിനുള്ളിലൊളിച്ച ഭീകരരെ തുരത്താനായി കടുത്ത പോരാട്ടം നടക്കുന്നുവെന്നാണ്​ റിപ്പോർട്ടുകൾ. രണ്ടോ മൂന്നോ തീവ്രവാദികൾ വീടിനുള്ളിൽ ഒളിച്ചിരിക്കുന്നുണ്ട്​. പ്രദേശത്തെ ഇൻറർനെറ്റ്​ ബന്ധം വി​േഛദിച്ചതായും വാർത്തകളുണ്ട്​.

തീവ്രവാദികൾ ഒളിച്ചിരിക്കുന്നുവെന്ന വിവരത്തെ തുടർന്ന്​ മേഖലയിൽ പൊലീസ്​ നടത്തിയ പരിശോധനക്കിടെയാണ്​ വെടിവെപ്പുണ്ടായത്​. ഒളിച്ചിരിക്കുകയായിരുന്ന ഭീകരർ സുരക്ഷ സേനക്ക്​ നേരെ വെടിയുതിർക്കുകയായിരുന്നുവെന്ന്​ കശ്​മീർ പൊലീസ്​ അറിയിച്ചു. വെടിവെപ്പ്​ ഇപ്പോഴും തുടരുകയാണെന്നും പൊലീസ്​ വ്യക്​തമാക്കി.