ജമാഅത്തെ ഇസ്​ലാമി മുൻ അഖിലേന്ത്യ അമീർ മുഹമ്മദ്​ സിറാജുൽ ഹസൻ അന്തരിച്ചു

ബംഗളൂരു: ഇന്ത്യൻ ജമാഅത്തെ ഇസ്​ലാമി മുൻ അഖിലേന്ത്യ അമീറും മുസ്​ലിം വ്യക്തിനിയമ ബോർഡ്​ മുൻ വൈസ്​പ്രസിഡന്‍റുമ ായ മൗലാന സിറാജുൽ ഹസൻ (87) കർണാടകയിലെ റായ്​ച്ചൂരിൽ അന്തരിച്ചു. വാർധക്യസഹജമായ അസുഖങ്ങളെ തുടർന്ന്​ 10 ദിവസമായി റായ്​ ച്ചൂരിലെ സ്വകാര്യ ആശുപത്രിയിൽ ചികിത്സയിലായിരുന്നു. വ്യാഴാഴ്​ച വൈകീ​ട്ട്​ 5.30ഒാടെയാണ്​ മരണം. 1990 മുതൽ 2004 വരെ മൂന്നു തവണ ഇന്ത്യൻ ജമാഅത്തെ ഇസ്​ലാമി അമീറായിരുന്നു​.

1932 മാർച്ചിൽ റായ്​ച്ചൂരിലെ ജാവൽഗരെയിൽ ജനിച്ചു. വിദ്യാർഥിയായിരിക്കെ 1948ലെ ​ൈഹദരാബാദിലെ ആക്​ഷൻ കാലത്ത്​ കടുത്ത പീഡനങ്ങൾ ഏൽക്കേണ്ടിവന്നു. 1952ൽ പ്രസ്​ഥാനത്തി​​െൻറ അനുഭാവിയായി മാറിയ അദ്ദേഹം 1957ൽ അംഗത്വം സ്വീകരിച്ചു. 1958 ആഗസ്​റ്റിൽ കർണാടക (മൈസൂർ സ്​റ്റേറ്റ്​) അമീറായി തെരഞ്ഞെടുക്കപ്പെട്ടു. 1984ൽ അഖിലേന്ത്യ സെക്രട്ടറിയാവുന്നതുവരെ ഇൗ പദവിയിൽ തുടർന്നു.

അടുത്തിടെയായിരുന്നു ഭാര്യയുടെ മരണം. മക്കൾ: അബുൽ മുഹ്​സിൻ, അബുൽ ഹസൻ, അൻവാറുൽ ഹസൻ, ഡോ. നജീബുൽ ഹസൻ, ഫൈസുൽ ഹസൻ, പരേതനായ നജ്​മുൽ ഹസൻ. ഒരു മകളുണ്ട്​. ഖബറടക്കം വെള്ളിയാഴ്​ച ഉച്ചക്ക്​ 2.30ന്​ റായ്​ച്ചൂർ മസ്​ജിദെ മുനീർ ഖബർസ്​ഥാനിൽ.