പുൽവാമ മാതൃകയിൽ ജെയ്​െ​ശ മുഹമ്മദ്​ വീണ്ടും ആക്രമണം നടത്താൻ സാധ്യത

ശ്രീനഗർ: പുൽവാമ മാതൃകയിൽ ജെയ്​​െശ മുഹമ്മദ്​ വീണ്ടും ഭീകരാക്രമണം നടത്താൻ ഒരുങ്ങുന്നതായി ഇൻറലിജൻസ്​ റിപ്പോർ ട്ട്​. അടുത്ത രണ്ട്​ ദിവസത്തിൽ ഭീകരാക്രമണം ഉണ്ടാവുമെന്നാണ്​ ഇൻറിലജൻസ്​ മുന്നറിയിപ്പ്​. ചെറു തീവ്രവാദി ഗ്രൂപ് പുകളായിരിക്കും ആക്രമണം ആസൂത്രണം ചെയ്യുക.

ഇൻറലിജൻസ്​ ഏജൻസികൾ സുരക്ഷാ സേനക്ക്​ ഇതുമായി ബന്ധപ്പെട്ട്​ മുന്നറിയിപ്പ്​ നൽകിയിട്ടുണ്ടെന്നാണ്​ വാർത്തകൾ. ചൗക്കിബാൽ, തങ്കാദർ റൂട്ടുകളിൽ ആക്രമണം ഉണ്ടാവുമെന്നാണ്​ ഇൻറലിജൻസ്​ ഏജൻസികൾ വ്യക്​തമാക്കുന്നത്​. ഇതിനായി വാഹനം ഉൾപ്പടെ തയാറാണെന്നും ചാവേർ ബോംബ്​ സ്​ഫോടനമായിരിക്കും ഉണ്ടാവുകയെന്നും ഇൻറലിജൻസ്​ ഏജൻസികൾ അറിയിക്കുന്നു.

ഫെബ്രുവരി 14ന്​ പുൽവാമയിലുണ്ടായ ചാവേർ ആക്രമണത്തിൽ 40 സി.ആർ.പി.എഫ്​ സൈനികർ കൊല്ലപ്പെട്ടിരുന്നു. ഇതോടെ കശ്​മീരിലെ സുരക്ഷ വർധിപ്പിച്ചിരുന്നു.