ജ​യ്പു​ർ സ്‌​ഫോ​ട​ന പ​ര​മ്പ​ര: വ​ധ​ശി​ക്ഷ​ക്ക് വി​ധി​ച്ച നാ​ലു​പേ​രെ കു​റ്റ​വി​മു​ക്ത​രാ​ക്കി​യ ഉ​ത്ത​ര​വി​ന് സ്റ്റേ​യി​ല്ല

ന്യൂ​ഡ​ൽ​ഹി: 2008ലെ ​ജ​യ്പു​ർ സ്‌​ഫോ​ട​ന പ​ര​മ്പ​ര കേ​സി​ൽ വി​ചാ​ര​ണ കോ​ട​തി വ​ധ​ശി​ക്ഷ​ക്ക് വി​ധി​ച്ച നാ​ലു​പേ​രെ കു​റ്റ​വി​മു​ക്ത​രാ​ക്കി​യ രാ​ജ​സ്ഥാ​ൻ ഹൈ​കോ​ട​തി ഉ​ത്ത​ര​വ് സ്റ്റേ ​ചെ​യ്യാ​ൻ സു​പ്രീം​കോ​ട​തി വി​സ​മ്മ​തി​ച്ചു. കു​റ്റ​വി​മു​ക്ത​രാ​ക്കി​യ​വ​രെ കേ​ൾ​ക്കാ​തെ യാ​ന്ത്രി​ക​മാ​യി സ്റ്റേ ​ചെ​യ്യാ​ൻ ക​ഴി​യി​ല്ലെ​ന്ന് സു​പ്രീം​കോ​ട​തി വ്യ​ക്ത​മാ​ക്കി. 2008 മേ​യ് 13ന് ​ജ​യ്പു​രി​ലെ മ​ന​ക് ചൗ​ക് ഖ​ണ്ഡ, ചാ​ന്ദ്പോ​ൾ ഗേ​റ്റ്, ബ​ഡി ചൗ​പ​ഡ്, ഛോട്ടി ​ചൗ​പ​ഡ്, ട്രി​പ്പോ​ളി​യ ഗേ​റ്റ്, ജോ​ഹ്‍രി ബ​സാ​ർ, സം​ഗ​നേ​രി ഗേ​റ്റ് എ​ന്നി​വി​ട​ങ്ങ​ളി​ലു​ണ്ടാ​യ സ്ഫോ​ട​ന​ങ്ങ​ളി​ൽ 71 പേ​ർ കൊ​ല്ല​പ്പെ​ടു​ക​യും 185 പേ​ർ​ക്ക് പ​രി​ക്കേ​ൽ​ക്കു​ക​യും ചെ​യ്തി​രു​ന്നു.

ക​ഴി​ഞ്ഞ മാ​ർ​ച്ച് 29ന് ​രാ​ജ​സ്ഥാ​ൻ ഹൈ​കോ​ട​തി​യി​ലെ ജ​സ്റ്റി​സ് അ​ഭ​യ് എ​സ്. ഓ​ഖ, രാ​ജേ​ഷ് ബി​ൻ​ഡാ​ൽ എ​ന്നി​വ​ര​ട​ങ്ങി​യ ബെ​ഞ്ച് വി​ചാ​ര​ണ കോ​ട​തി​യു​ടെ വ​ധ​ശി​ക്ഷ ഉ​ത്ത​ര​വ് റ​ദ്ദാ​ക്കു​ക​യും കേ​സി​ലു​ൾ​പ്പെ​ട്ട അ​ന്വേ​ഷ​ണ ഉ​ദ്യോ​ഗ​സ്ഥ​ർ​ക്കും പൊ​ലീ​സു​കാ​ർ​ക്കു​മെ​തി​രെ അ​ന്വേ​ഷ​ണ​ത്തി​ന് ഉ​ത്ത​ര​വി​ടു​ക​യും ചെ​യ്തു.

ഈ ​വി​ധി സ്റ്റേ ​ചെ​യ്യ​ണ​മെ​ന്നാ​വ​ശ്യ​പ്പെ​ട്ടാ​ണ് ഇ​ര​ക​ളു​ടെ കു​ടും​ബ​ങ്ങ​ൾ സു​പ്രീം​കോ​ട​തി​യെ സ​മീ​പി​ച്ച​ത്. നാ​ലു​പ്ര​തി​ക​ളും പാ​സ്​​പോ​ർ​ട്ട് സ​റ​ണ്ട​ർ ചെ​യ്യ​ണ​മെ​ന്നും ജ​യി​ൽ മോ​ചി​ത​രാ​യാ​ൽ ദി​വ​സ​വും രാ​വി​ലെ പ​ത്തി​നും 12നും ​ഇ​ട​യി​ൽ ജ​യ്പു​രി​ലെ തീ​വ്ര​വാ​ദ വി​രു​ദ്ധ സ്ക്വാ​ഡ് പൊ​ലീ​സ് സ്റ്റേ​ഷ​നി​ൽ ഹാ​ജ​രാ​ക​ണ​മെ​ന്നും സു​പ്രീം​കോ​ട​തി നി​ർ​ദേ​ശി​ച്ചി​ട്ടു​ണ്ട്.