Begin typing your search above and press return to search.
proflie-avatar
Login
exit_to_app
exit_to_app
Homechevron_rightNewschevron_rightIndiachevron_rightമോദി ചരിത്രം...

മോദി ചരിത്രം ഉൾപ്പെടുത്തിയ ചോദ്യപേപ്പർ അബദ്ധപഞ്ചാംഗം

text_fields
bookmark_border
exam
cancel

ജയ്​പൂർ: രാജസ്ഥാനിലെ ജയ്​പൂരിൽ പത്താം ക്ലാസിലെ ചോദ്യപേപ്പറിൽ ഖണ്ഡിക വായിച്ച്​ ഉത്തരമെഴുതാനുള്ള ഭാഗത്തിൽ നൽകിയത്​ പ്രധാനമ​ന്ത്രി നരേന്ദ്രമോദിയുടെ ജീവചരിത്രം. മോദിയെ മഹത്വ​വൽക്കരിക്കാൻ നടത്തിയ ശ്രമം അബദ്ധങ്ങളിൽ കുടുങ്ങി പരിഹാസമായി. ഇംഗ്ലീഷ്​ പരീക്ഷാ ചോദ്യപേപ്പറിൽ അക്ഷരതെറ്റുകളില്ലാത്ത ഒരു വരിപോലുമില്ല. രാജസ്ഥാൻ ബോർഡ്​ ഒാഫ്​ സെക്കൻഡറി എജ്യൂകേഷൻ സർക്കാർ സ്​കൂളുകളിലെ പത്താം തരത്തിൽ നടത്തുന്ന അർധവാർഷിക പരീക്ഷ​യിലാണ്​ തെറ്റുകളുടെ പൂരം.  

മോദിയുടെ ജീവിതം ചുരുക്കി വിവരിക്കുന്ന ഒരു ഖണ്ഡികയാണ്​ ഒന്നാമത്തെ ചോദ്യമായി നൽകിയിരിക്കുന്നത്​. ഇൗ ഖണ്ഡിക വായിച്ച്​ ഒരു മാർക്കിന്​ ഉത്തരം നൽകേണ്ട ഏഴു ചോദ്യങ്ങൾ താഴെയുണ്ട്​. അക്ഷരതെറ്റുകൾ മാത്രമല്ല, വാചകങ്ങളുടെ ഘടനയിലും വ്യാകരണത്തിലും അബദ്ധങ്ങളാണുള്ളത്​. ഖണ്ഡികയിൽ മാത്രമല്ല, ചോദ്യങ്ങളിലും തെറ്റുകൾ ആവർത്തിക്കുന്നു​. 

rajasthan-board-exam-paper

മോദി സസ്യാഹാരിയാണെന്നും കഠിനാധ്വാനിയാണെന്നും ഗുജറാത്തി ഭാഷയിൽ കവിത എഴുതാറുണ്ടയിരുന്നുവെന്നും ഖണ്ഡികയിലുണ്ട്​. ​മോദി ക്രൗഡ്​ പുള്ളളാറണെന്ന്​ പറയുന്നുണ്ട്​. എന്നാൽ ക്രൗഡി​​െൻറ സ്​പെല്ലിങ്​ Crowd എന്നതിനുപകരം ‘craod’, Speaker എന്ന വാക്കിന്​ ‘spoker’ എന്നിങ്ങനെ ചെറിയ വാക്കുകളിൽ ​പോലും തെറ്റുകളാണ്.​ 

ചോദ്യങ്ങളുടെ ഘടന മുഴുവൻ തെറ്റാണ്​. അദ്ദേഹം ഒരു കവിയാണെന്ന്​ നിങ്ങൾക്ക്​ എങ്ങനെ പറയാൻ കഴിയും? എന്നാണ്​ ഒരു ചോദ്യം. 

മോദി എട്ടാം വയസിൽ ആർ.എസ്​.എസിൽ ചേർന്നുവെന്നും 17 ാം വയസിൽ വീടുവിട്ട്​ ആർ.എസ്​.എസ്​ പ്രചാരകനായി മാറിയെന്നും പറയുന്നു​. ചെറുപ്പത്തിൽ പിതാവിനെ ചായ വിൽക്കാൻ സഹായിച്ചതും ഉൾപ്പെടുത്തിയിരിക്കുന്നു. സാർക്​ നേതാക്കളെയെല്ലാം ക്ഷണിച്ചുകൊണ്ടായിരുന്നു മോദിയുടെ സ്ഥാനാരോഹണമെന്നും അത്തരമൊരു കാര്യം ആദ്യമായാണ്​ നടന്നതെന്നും ഖണ്ഡികയിലുണ്ട്​. എന്നാൽ വ്യാകരണ പിശകും വാചക ഘടനയിലുള്ള തെറ്റുകളും മൂലം മനസിലാക്കിയെടുക്കാൻ പ്രയാസമാണ്​. ‘‘his swearing-in was a “first of its kind’’. He invited all SAARC leaders” എന്നാണ്​ മോദിയുടെ സ്ഥാനാരോഹണത്തെ കുറിച്ച്​ എഴുതിയിരിക്കുന്നത്​. 

മോദിയെകുറിച്ചുള്ള ചോദ്യഭാഗങ്ങളിൽ മാത്രമല്ല 70 മാർക്കി​​െൻറ ചോദ്യപേപ്പറിൽ ഒരോവരിയിലും അബദ്ധങ്ങളാണ്​. എന്നാൽ പരീക്ഷ നടത്തിയത്​ രാജസ്ഥാൻ ബോർഡ്​ ഒാഫ്​ സെക്കൻഡറി എജ്യൂകേഷൻ അല്ലെന്നും അർധവാർഷിക പരീക്ഷ നടത്താറുള്ളത്​ ജില്ലാ വിദ്യാഭ്യാസ വിഭാഗം അധികൃതരാണെന്നും ചെയർമാൻ ബി.എൽ. ചൗധരി അറിയിച്ചു. 

സംഭവത്തിൽ ചോദ്യപേപ്പർ തയാറാക്കിയ വിദഗ്​ധ സമിതിയോട്​ വിശദീകരണം തേടുമെന്നും തെറ്റായ ചോദ്യങ്ങൾക്ക്​ ഉത്തരം നൽകാൻ ശ്രമിച്ച വിദ്യാർഥികൾക്ക്​ ബോണസ്​ മാർക്ക്​ നൽകുമെന്നും ജില്ലാ വിദ്യാഭ്യാസ ഒാഫീസർ രത്തൻ സിങ്​ യാദവ്​ പറഞ്ഞു. 

ബി.ജെ.പി അജണ്ട നടപ്പാക്കുന്നതി​​െൻറ ഭാഗമായാണ്​ മോദിയുടെ ജീവചരിത്രം പത്താംക്ലാസ്​ ചോദ്യപേപ്പറിൽ ഉൾപ്പെടുത്തിയിരിക്കുന്നതെന്ന്​ കോൺഗ്രസ്​ ആരോപിച്ചു. സ്​കൂൾ കരിക്കുലം തന്നെ ബി.ജെ.പി പ്രചരണത്തിനു വേണ്ടി മാറ്റിയിരിക്കയാണെന്ന്​ കോൺഗ്രസ്​ സംസ്ഥാന പ്രസിഡൻറ്​ സചിൻ പൈലറ്റ്​ ആരോപിച്ചു.

Show Full Article
Girl in a jacket

Don't miss the exclusive news, Stay updated

Subscribe to our Newsletter

By subscribing you agree to our Terms & Conditions.

Thank You!

Your subscription means a lot to us

Still haven't registered? Click here to Register

TAGS:Narendra Modijaipurbiographymalayalam newsEnglish passagespelling error
News Summary - In Jaipur Class X, English passage on PM Modi fails spelling test- India news
Next Story