ജൈന ആചാര്യൻ വധക്കേസ്: അന്വേഷണത്തിന് സി.ഐ.ഡി

ബം​ഗ​ളൂ​രു: ചി​ക്കോ​ടി ഹൊ​രെ​കോ​ഡി​യി​ലെ ജൈ​ന മ​താ​ചാ​ര്യ​ൻ ശ്രീ ​കാ​മ​കു​മാ​ര ന​ന്തി മ​ഹാ​രാ​ജ​യെ കൊ​ല​പ്പെ​ടു​ത്തി​യ കേ​സ്​ സി.​ഐ.​ഡി വി​ഭാ​ഗം അ​ന്വേ​ഷി​ക്കും. മു​ഖ്യ​മ​ന്ത്രി സി​ദ്ധ​രാ​മ​യ്യ ക​ർ​ണാ​ട​ക നി​യ​മ​സ​ഭ​യി​ലാ​ണ് ഇ​ക്കാ​ര്യം അ​റി​യി​ച്ച​ത്. ക​ർ​ണാ​ട​ക​യി​ലെ പ്ര​തി​പ​ക്ഷ പാ​ർ​ട്ടി​യാ​യ ബി.​ജെ.​പി​യും ജൈ​ന സ​മു​ദാ​യ​വും കേ​സ്​ സി.​ബി.​ഐ​ക്ക്​ വി​ട​ണ​മെ​ന്ന്​ ആ​വ​ശ്യ​പ്പെ​ട്ടി​രു​ന്നെ​ങ്കി​ലും സ​ർ​ക്കാ​ർ സി.​ഐ.​ഡി​ക്ക്​ കൈ​മാ​റാ​ൻ തീ​രു​മാ​നി​ക്കു​ക​യാ​യി​രു​ന്നു.

സി.​ബി.​ഐ അ​ന്വേ​ഷ​ണം ആ​വ​ശ്യ​പ്പെ​ട്ട്​ ബി.​ജെ.​പി നി​യ​മ​സ​ഭ​ക്ക​ക​ത്തും പു​റ​ത്തും പ്ര​തി​ഷേ​ധം സം​ഘ​ടി​പ്പി​ച്ചി​രു​ന്നു. ക​ർ​ണാ​ട​ക ഗ​വ​ർ​ണ​ർ താ​വ​ർ ച​ന്ദ്​ ഗെ​ഹ്​​ലോ​ട്ടി​ന്​ ഈ ​ആ​വ​ശ്യം ഉ​ന്ന​യി​ച്ച്​ ക​ത്തും ന​ൽ​കി. കൊ​ല​പാ​ത​ക​ത്തി​ന്​ പി​ന്നി​ലെ ഗൂ​ഢാ​ലോ​ച​ന പു​റ​ത്തു​കൊ​ണ്ടു​വ​രാ​നും യ​ഥാ​ർ​ഥ പ്ര​തി​ക​ളെ പി​ടി​കൂ​ടാ​നും കേ​സ്​ ഐ.​ജി റാ​ങ്കി​ലു​ള്ള ഉ​ദ്യോ​ഗ​സ്​​ഥ​നെ കൊ​ണ്ട്​ അ​ന്വേ​ഷി​പ്പി​ക്ക​ണ​മെ​ന്ന്​ ആ​വ​ശ്യ​പ്പെ​ട്ട്​ ദേ​ശീ​യ ന്യൂ​ന​പ​ക്ഷ ക​മീ​ഷ​ൻ ചെ​യ​ർ​മാ​ൻ സം​സ്​​ഥാ​ന സ​ർ​ക്കാ​റി​ന്​ ക​ത്ത​യ​ച്ചി​രു​ന്നു.

ഈ ​മാ​സം ആ​റി​നാ​ണ് ജൈ​ന സ​ന്യാ​സി​യെ ര​ണ്ടു പേ​ർ ചേ​ർ​ന്ന് ആ​ശ്ര​മ​ത്തി​ൽ ക​യ​റി കൊ​ല​പ്പെ​ടു​ത്തി മൃ​ത​ദേ​ഹം ചാ​ക്കി​ൽ പൊ​തി​ഞ്ഞ് ബൈ​ക്കി​ൽ 35 കി​ലോ​മീ​റ്റ​ർ സ​ഞ്ച​രി​ച്ച ശേ​ഷം ചെ​റു​ക​ഷ​ണ​ങ്ങ​ളാ​ക്കി കു​ഴ​ൽ​കി​ണ​റി​ൽ ത​ള്ളി​യ​ത്.മു​ഖ്യ​പ്ര​തി മാ​ലി ബ​സ​പ്പ, സ​ഹാ​യി ലോ​റി ഡ്രൈ​വ​ർ ഹ​സ്സ​ൻ എ​ന്ന ഹ​സ്സ​ൻ ദ​ലാ​യ​ത്ത് എ​ന്നി​വ​ർ അ​റ​സ്​​റ്റി​ലാ​യി​രു​ന്നു. ചി​ക്കോ​ടി ഡി​വൈ.​എ​സ്.​പി​യു​ടെ നേ​തൃ​ത്വ​ത്തി​ൽ ന​ട​ത്തി​യ ചോ​ദ്യം ചെ​യ്യ​ലി​ൽ ഇ​രു​വ​രും കു​റ്റം സ​മ്മ​തി​ച്ചി​രു​ന്നു. പ്ര​തി​ക​ൾ ഇ​പ്പോ​ൾ ജ​യി​ലി​ലാ​ണ്.