ജയ്​ കിസാൻ -അതിശൈത്യത്തിലും കത്തിപ്പടർന്ന പ്രതിഷേധാഗ്​നിയിൽ എരിഞ്ഞടങ്ങിയത്​ ഭരണകൂട ധാർഷ്​ട്യം

കടുത്ത തണുപ്പിലും കത്തിപ്പടരുന്ന പ്രതിഷേധാഗ്​നിയെ അതിജയിക്കാൻ പ്രധാനമന്ത്രി ​നരേന്ദ്രമോദിക്കും കേന്ദ്രസർക്കാറിനും ബി.ജെ.പിക്കും കഴിഞ്ഞില്ല. കനത്ത മഞ്ഞിനെയും കോവിഡ്​ മഹാമാരിയെയും അവഗണിച്ചായിരുന്നു കർഷകരുടെ മുന്നേറ്റം. ആ മുന്നേറ്റത്തിൽ അവസാനം മോദി ഭരണകൂടത്തിന്​ അടിതെറ്റി. വിവാദമായ മൂന്ന്​ കാർഷിക നിയമങ്ങളും പിൻവലിക്കാമെന്ന്​ പ്രധാനമന്ത്രി അറിയിച്ചു.

മോദി ഭരണകൂടം നടപ്പാക്കിയ മൂന്ന്​ കാർഷിക നിയമങ്ങൾ പിൻവലിക്കണമെന്ന്​ ആവശ്യപ്പെട്ടാണ്​ കർഷകർ പോരാട്ടരംഗത്തിറങ്ങിയത്​. തങ്ങളുടെ വിളകൾക്ക്​ താങ്ങുവില ഉറപ്പാക്കണമെന്നും കോർ​പറേറ്റുകൾക്ക് കർഷകരെ അടിയറവു വെക്കരുതെന്നും അവർ ഉറച്ച ശബ്​ദത്തിൽ പറഞ്ഞു. ആവശ്യ​ങ്ങൾ അംഗീകരിക്കുന്നതുവരെ സമരത്തിൽനിന്ന്​ പിന്നോട്ടില്ലെന്ന നിശ്ചയദാർഢ്യവും അവർ പങ്കുവെച്ചു.

നവംബർ 26ന്​ ആയിരക്കണക്കിന്​ കർഷകർ ദില്ലി ചലോ മാർച്ചിലൂടെ രാജ്യതിർത്തിയിലെത്തി. നവംബർ 26ന്​ കർഷക സംഘടനകളെ പിന്തുണച്ച്​ രാജ്യവ്യാപകമായി ലക്ഷകണക്കിന്​ ആളുകൾ പ​െങ്കടുത്ത പൊതു പണിമുടക്ക്​ നടന്നു. വൻ ബാരിക്കേഡുകളും കിടങ്ങുകളും തീർത്തായിരുന്നു കർഷക മാർച്ച്​ നേരിടാൻ കേന്ദ്രസർക്കാറും പൊലീസും ഒരുങ്ങിയിരുന്നത്​. കൂടാതെ കർഷക സംഘടനകൾ ഹരിയാനയിലേക്കും ഡൽഹിയിലേക്കും പ്രവേശിക്കുന്നത്​ തടയാൻ കേന്ദ്രസർക്കാർ വിവിധ സംസ്​ഥാനങ്ങളിലെ നിയമപാലകർക്കും പൊലീസിനും ഉത്തരവ്​ നൽകുകയും ചെയ്​തു. കർഷകരെ ജലപീരങ്കികൾ, കണ്ണീർ വാതകം, ലാത്തി എന്നിവ ഉപയോഗിച്ചാണ്​ നേരിട്ടത്​. ഇതോടെ ഡൽഹി അതിർത്തികളായ സിംഘു, ടിക്​രി, ഗാസിപൂർ എന്നിവിടങ്ങളിൽ അവർ തമ്പടിച്ചു. സ്​ത്രീകളും കുട്ടികളുമടക്കം ആയിരക്കണക്കിന്​ പേർ കർഷക പ്രക്ഷോഭ വേദിയിലെത്തി.

ഭരണകൂടത്തിന്​ എതിരെയുള്ള പ്രതിഷേധം എവിടെ സംഘടിപ്പിക്കണമെന്ന്, ഭരണകൂടം തന്നെ തീരുമാനിക്കുമെന്ന നിലപാടായിരുന്നു ​തുടക്കത്തിൽ കേന്ദ്രത്തിന്​​. സമരം നടത്തുന്നത് 'അർബൻ നക്​സലുകൾ' ആണെന്ന ആരോപണവും ഭരണകൂടത്തി​െൻറ ഭാഗത്തുനിന്നുണ്ടായി.​ ആ ധാർഷ്​ട്യത്തെ അതർഹിക്കുന്ന പുച്​ഛത്തോടെ തള്ളിയാണ്​ കർഷകർ​ ഡൽഹിയുടെ അതിർത്തികളിൽ തമ്പടിച്ചത്​.

അതി ശൈത്യത്തിൽ കാൽനടയായും ട്രാക്​ടറുകളിലും കിലോമീറ്ററുകൾ താണ്ടി, ഡൽഹി അതിർത്തിയിലെത്തിയ കർഷകരെ പേടി​പ്പി​ച്ചോടിക്കാനായിരുന്നു ​ഭരണകൂടത്തി​െൻറ നീക്കം. 70 കഴിഞ്ഞവരും​ ആരോഗ്യ പ്രശ്​നങ്ങൾ നേരിടുന്നവരുമാണ്​ ഭൂരിഭാഗം കർഷകരും. എന്നാൽ പ്രായം പോലും പരിഗണിക്കാതെ ഭീകരവാദികളെയെന്ന പോലെ​ ഭരണകൂടം അവരെ കൈകാര്യം ചെയ്തു​. തങ്ങളുടെ ആവശ്യങ്ങൾ അംഗീകരിക്കുന്നത്​ വരെ പിന്തിരിഞ്ഞ്​ മടങ്ങില്ലെന്ന കർഷകരുടെ നിലപാട്​ ബി.ജെ.പിയെയും ഭരണകൂടത്തെയും ചൊടിപ്പിച്ചു​.

റോഡുകൾ വലിയ കിടങ്ങുകളാക്കി. ദേശീയപാതയിൽ വരെ മൺമതിലുകൾ ഉയർന്നു. ബാരിക്കേഡുകൾ കൊണ്ട് ​കോട്ട കെട്ടി ഉയർത്തിയതിനൊപ്പം ജലപീരങ്കികളും കണ്ണീർ വാതകവും ഗ്രനേഡുകളും കർഷകരുടെ ​നെഞ്ചിലേക്ക്​ തറപ്പിച്ചു. എന്നാൽ തങ്ങൾ മണ്ണിൽ പണിയെടുക്കുന്ന കർഷകരാണെന്നും ജീവനെ പോലും ഭയമില്ലെന്നും വ്യക്തമാക്കി കർഷകർ മു​േമ്പാട്ടു കുതിച്ചു. ഡൽഹി-ഹരിയാന അതിർത്തിയിൽ തമ്പടിച്ചു.

പഞ്ചാബ്​, രാജസ്​ഥാൻ, ഉത്തർപ്രദേശി​ലെ വിവിധ ഭാഗങ്ങൾ എന്നിവിടങ്ങളിലെ കർഷകരാണ്​ ഡൽഹി അതിർത്തിയിലേക്ക്​ ഒഴുകിയെത്തിയത്​. കർഷകർക്ക്​ പിന്തുണയുമായി മറ്റു സംസ്​ഥാനങ്ങളിൽനിന്നും കർഷകർ സമരവേദിയി​െലത്തി. കർഷക സംഘടനകളുടെ കൂട്ടായ്​മയായ സംയുക്ത കിസാൻ മോർച്ചയുടെ നേതൃത്വത്തിലായിരുന്നു പ്രക്ഷോഭം.

2020 സെപ്​റ്റംബറിലാണ്​ ഇന്ത്യൻ പാർലമെൻറ്​ മൂന്ന്​ കാർഷിക നിയമങ്ങളും പാസാക്കുന്നത്​. 'കർഷക വിരുദ്ധ നിയമങ്ങ'ളെന്നായിരുന്നു കർഷകർ ഈ നിയമങ്ങളെ വിശേഷിപ്പിച്ചത്​. കോർപറേറ്റുകൾക്ക്​ കർഷകരെ അടിയറവെക്കുന്നതായിരുന്നു മൂന്ന്​ കാർഷിക നിയമങ്ങളും.

11 വട്ട ചർച്ചകൾ കേന്ദ്രവും കർഷകരും തമ്മിൽ നടത്തിയെങ്കിലും അവയൊന്നും വിജയം കണ്ടിരുന്നില്ല. ജനുവരി 26ന്​ ചെ​േങ്കാട്ടയിലടക്കം നടന്ന അക്രമങ്ങളിലൂടെ കർഷകരെ അടിച്ചൊതുക്കാനും കേ​ന്ദ്രസർക്കാർ മടികാണിച്ചില്ല. ആയിരക്കണക്കിന്​ കർഷകർക്കാണ്​ ​പ്രക്ഷോഭവേദിയിൽ ജീവൻ നഷ്​ടമായത്​. ജീവിക്കാൻ നിവൃത്തിയില്ലാതായതോടെ നിരവധി കർഷകർ പ്രക്ഷോഭവേദിയിൽ ആത്മഹത്യ ചെയ്യുകയും ചെയ്​തു. കേന്ദ്രസർക്കാറി​െൻറ കാർഷിക നിയമങ്ങളെ എതിർത്തവരെ കൊലപ്പെടുത്താനും ബി.ജെ.പി വക്താക്കൾ മടിക്കാണിച്ചില്ല. അതിന്​ ഉദാഹരണമാണ്​ യു.പി ലഖിംപൂരിലെ കർഷകക്കൊല.

പോരാട്ടങ്ങൾക്കൊടുവിൽ കർഷകരുടെ പ്രക്ഷോഭത്തി​ന്​ കേന്ദ്രസർക്കാറിന്​ അടിതെറ്റുമെന്ന്​ സ്വയം തോന്നിക്കാണണം. ​വരാനിരിക്കുന്ന തെരഞ്ഞെടുപ്പുകളിലെ തിരിച്ചടി മുന്നിൽ കണ്ടാകണം 'കാർഷിക നിയമങ്ങളുമായി മുന്നോ​ട്ടെന്ന' കേന്ദ്രസർക്കാറി​െൻറ വാദത്തിൽ ഉറച്ചുനിൽക്കാൻ കഴിയാതെ പോയത്​. കർഷകരുടെ മാത്രം വിജയമാണ്​ ഈ േകന്ദ്രസർക്കാർ തീരുമാനം.