വൈ.എസ്​.ആർ.സി നേതാവ്​ ജഗൻമോഹൻ റെഡ്ഡിക്ക്​ ക​ുത്തേറ്റു

വിശാഖപട്ടണം: ആന്ധ്രപ്രദേശ്​ പ്രതിപക്ഷ നേതാവും വൈ.എസ്​.ആർ കേ​ാൺഗ്രസ്​ തലവനുമായ വൈ.എസ്​ ജഗൻമോഹൻ റെഡ്ഡിക്ക്​ കുത്തേറ്റു. വിശാഖപട്ടണം വിമാനത്താവളത്തിലെ കഫ്​തീരിയയിൽവെച്ചാണ്​ യുവാവ്​ ഇടതു തോളിൽ കുത്തിയത്​.​ പ്രതിയെ സംഭവസ്​ഥലത്തുതന്നെ പിടികൂടിയ സി.​െഎ.എസ്​.എഫ്,​ പൊലീസിന് ചോദ്യം ചെയ്യാനായി​ കൈമാറി.

കഫ്​തീരിയയിലെ പാചകക്കാരനായ ശ്രീനിവാസ റാവുവാണ്​ പിടിയിലായതെന്ന്​ പൊലീസ്​ പറഞ്ഞു. വ്യാഴാഴ്​ച ഉച്ചക്ക്​ 12.30ഒാടെയാണ്​ ആക്രമണം​. സംഭവത്തെ അപലപിച്ച ഉപമുഖ്യമന്ത്രി എൻ. ചിന്ന രാജപ്പ അന്വേഷണം പ്രഖ്യാപിക്കുകയും ചെയ്​തു. ചായകുടി​ക്കാനെത്തിയ ജഗൻമോഹൻ റെഡ്ഡിയോട്​ സെൽഫിയെടുക്കാൻ അനുമതി​ തേടി പ്രതി കുത്തുകയായിരുന്നുവെന്ന്​ പൊലീസ്​ പറഞ്ഞു.

.

Breaking: Murder Attempt on YS Jagan Mohan Reddy at Vizag airport pic.twitter.com/clR4QIXML0

— GREATANDHRA (@greatandhranews) October 25, 2018