ജഗനും റാവുവും മോദിയുടെ വളർത്തുനായ്​ക്കൾ-​ നായിഡു

ഹൈദരാബാദ്​: തെലങ്കാന മുഖ്യമന്ത്രി ചന്ദ്രശേഖർ റാവുവും വൈ.എസ്​.ആർ കോൺഗ്രസ്​ നേതാവ്​ ജഗൻ മോഹൻ റെഡ്​ഡിയും പ്രധ ാനമന്ത്രി നരേന്ദ്ര മോദിയുടെ വളർത്തുനായ്​ക്കളാണെന്ന്​ ആന്ധ്ര മുഖ്യമന്ത്രി ചന്ദ്രബാബു നായിഡു. മോദിയിൽനിന്ന്​ ബിസ്​ക്കറ്റ്​ കിട്ടാൻ കാത്തുനിൽക്കുകയാണ്​ അവരെന്നും നായിഡു പറഞ്ഞു.

ഒന്നാംഘട്ട തെരഞ്ഞെടുപ്പ്​ പ്രചാരണത്തി​​െൻറ അവസാന ദിനമായrചൊവ്വാഴ്​ച കൃഷ്​ണ ജില്ലയിൽ സംസാരിക്കവെയാണ്​​ നായിഡു ഇരുവർക്കുമെതിരെ കടുത്ത ആക്ഷേപ വാക്കുകൾ ചൊരിഞ്ഞത്​. ചന്ദ്രശേഖർ റാവു നിറംമാറുന്ന ഒാന്തിനെപ്പോലെയാണെന്നും അദ്ദേഹം പറഞ്ഞു.

ആന്ധ്രക്ക്​ പ്രത്യേക പദവി വേണമെന്ന ജഗ​​െൻറ ആവശ്യത്തെ റാവു പിന്തുണച്ചതാണ്​ നായിഡുവിനെ പ്രകോപിപ്പിച്ചത്​. ജഗൻ അധികാരത്തിൽ വന്നാൽ തെലങ്കാനയുടെ കാരുണ്യത്തിന്​ ആന്ധ്രക്ക്​ കാത്തുനിൽക്കേണ്ടി വരുമെന്നും റാവുവാണ്​ ജഗന്​ പ്രചാരണത്തിന്​ പണം കൊടുക്കുന്നതെന്നും നായിഡു പറഞ്ഞു.