Begin typing your search above and press return to search.
exit_to_app
exit_to_app
Homechevron_rightNewschevron_rightIndiachevron_rightജാക്വലിൻ ഫെർണാണ്ടസിനെ...

ജാക്വലിൻ ഫെർണാണ്ടസിനെ ഇ.ഡി വീണ്ടും ചോദ്യം ചെയ്യാൻ വിളിപ്പിച്ചു

text_fields
bookmark_border
ജാക്വലിൻ ഫെർണാണ്ടസിനെ ഇ.ഡി വീണ്ടും ചോദ്യം ചെയ്യാൻ വിളിപ്പിച്ചു
cancel

മുംബൈ: കള്ളപ്പണം വെളുപ്പിച്ചതുമായി ബന്ധപ്പെട്ട കേസിൽ ബോളിവുഡ്​ നടി ജാക്വലിൻ ഫെർണാണ്ടസിനെ ഇ.ഡി വീണ്ടും ചോദ്യം ചെയ്യാൻ വിളിപ്പിച്ചു. ശനിയാഴ്​ച ഇ.ഡിക്ക്​ മുമ്പാകെ അവർ ഹാജരാവുമെന്നാണ്​ സൂചന. വെള്ളിയാഴ്​ച അവർക്ക്​ സമൻസ്​ നൽകിയിരുന്നുവെങ്കിലും ഹാജരായിരുന്നില്ല. കഴിഞ്ഞ ആഗസ്​റ്റിലും അവർ ഇ.ഡിക്ക്​ മുമ്പാകെ ഹാജരായി മൊഴി നൽകിയിരുന്നു. സുകേഷ്​ ചന്ദ്രശേഖരനെതിരെ ഇ.ഡി നടത്തുന്ന അന്വേഷണത്തിലാണ്​ വീണ്ടും ജാക്വലിൻ ഫെർണാണ്ടസി​െൻറ മൊഴിയെടുക്കുന്നത്​.

ചന്ദ്രശേഖരും ഭാര്യ ലീന മരിയ പോളും കള്ളപ്പണം വെളുപ്പിച്ചുവെന്നാണ്​ ഇ.ഡിയുടെ കണ്ടെത്തൽ. ഇതിൽ ജാക്വിലിനുമായി ബന്ധപ്പെട്ടുള്ള ചില ഫണ്ടുകളും ഉൾപ്പെട്ടിട്ടുണ്ടെന്നും ഇ.ഡി വ്യക്​തമാക്കുന്നു. ഇതേക്കുറിച്ച്​ ചോദിച്ചറിയാനാണ്​ ജാക്വലിനെ ഇപ്പോൾ വീണ്ടും വിളിക്കുന്നതെന്നാണ്​ റിപ്പോർട്ട്​.

നേരത്തെ മറ്റൊരു ബോളിവുഡ്​ നടിയായ നോറ ഫത്തേഹിയേയും ഇ.ഡി ചോദ്യം ചെയ്യാൻ വിളിപ്പിച്ചിരുന്നു. സാക്ഷിയായാണ്​ കേസിൽ നോറ ഫത്തേഹിയെ വിളിച്ചതെന്നാണ്​ അവരുടെ മാനേജർ നൽകുന്ന വിശദീകരണം. എന്നാൽ, ഇതുമായി ബന്ധപ്പെട്ട്​ ഇ.ഡിയുടെ ഭാഗത്ത്​ നിന്നും ഇതുവരെ ഔദ്യോഗികമായ പ്രതികരണങ്ങളൊന്നും പുറത്ത്​ വന്നിട്ടില്ല.

സുകേഷ്​ ചന്ദ്രശേഖരനേയും ലീന മരിയ പോളിനേയും ഇ.ഡി അറസ്​റ്റ്​ ചെയ്​തിരുന്നു. കേസുമായി ബന്ധപ്പെട്ട്​ സുകേഷി​െൻറ ബംഗ്ലാവ്​ ഇ.ഡി റെയ്​ഡ്​ ചെയ്യുകയും ചെയ്​തിട്ടുണ്ട്​. സുകേഷിനെതിരെ ഡൽഹി പൊലീസും തട്ടിപ്പ്​ കേസ്​ രജിസ്​റ്റർ ​ ചെയ്​തിരുന്നു​.

Show Full Article
TAGS:Jacqueline Fernandez 
News Summary - Jacqueline Fernandez summoned again today after she skips ED questioning in money laundering case
Next Story