Begin typing your search above and press return to search.
exit_to_app
exit_to_app
Homechevron_rightNewschevron_rightIndiachevron_rightഇവാൻക പോയി: യാചകർ...

ഇവാൻക പോയി: യാചകർ തെരുവിൽ തിരിച്ചെത്തി

text_fields
bookmark_border
ഇവാൻക പോയി: യാചകർ തെരുവിൽ തിരിച്ചെത്തി
cancel

ഹൈദരാബാദ്​: ​അമേരിക്കൻ പ്രസിഡൻറ്​ ഡോണൾഡ്​ ട്രംപി​​െൻറ മകളും ഉപദേഷ്​ടാവുമായ ഇവാൻക ട്രംപി​​െൻറ ഹൈദരാബാദ്​ സന്ദർശനത്തോടനുബന്ധിച്ച്​ നഗരത്തിൽ നിന്ന്​ ഒഴിപ്പിച്ച യാചകരെല്ലാം വീണ്ടും തെരുവിലെത്തി. ​േഗ്ലാബൽ എൻറർപ്രനർഷിപ്പ്​ സമ്മിറ്റി​​​െൻറ ഭാഗമായി നവംബർ 28 നാണ്​ ഇവാൻക ഹൈദരാബാദ്​ എത്തിയത്​. ഇവാൻക എത്തുന്നതിന്​ മുമ്പ്​  പൊലീസ്​ തെരുവിൽ നിന്ന്​ യാചകരെയെല്ലാം​ ഒഴിപ്പിച്ച്​ സർക്കാർ നടത്തുന്ന അഭയകേന്ദ്രങ്ങളിലേക്ക്​ മാറ്റിയിരുന്നു. ഒരു മാസത്തേക്ക്​ ഭിക്ഷയാചിക്കുന്നതിന്​ വിലക്കേർപ്പെടുത്തകയും ചെയ്​തു. എന്നാൽ പരിപാടി കഴിഞ്ഞ്​ ഇവാൻക പോയതോടെ യാചകരും തെരുവിൽ തിരിച്ചെത്തി. 

സ്​ത്രീകളായ യാചകരെ ചെർലപള്ളിയിലെ ആനന്ദ്​ ആശ്രമത്തിലും പുരുഷൻമാരെ ​ചഞ്ചൽഗുഡയിലെ അഭയകേന്ദ്രത്തിലേക്കുമാണ്​ മാറ്റിയിരുന്നത്​. എന്നാൽ ഒരാഴ്​ചക്ക്​ ശേഷം മിക്കവരും സർക്കാർ അഭയകേന്ദ്രങ്ങളിൽ നിന്ന്​ മടങ്ങുകയായിരുന്നു. 
ചെർലപള്ളിയിലെ കേന്ദ്രത്തിൽ 10 സ്​ത്രീകളും ചഞ്ചൽഗുഡയിൽ 30ഒാളം പേരും മാത്രമാണുള്ളതെന്ന്​ പൊലീസ്​ സൂപ്രണ്ട്​ അർജുൻ റാവു പറഞ്ഞു. ജനുവരി ഏഴുവരെ പൊലീസ്​ നഗരത്തിൽ യാചക നിരോധനം ഏർപ്പെടുത്തിയിട്ടുണ്ട്​. എന്നാൽ നിരോധനം ഏർപ്പെടുത്തി അഭയകേന്ദ്രത്തിലേക്ക്​ മാറ്റിപ്പാർപ്പിച്ചിട്ടും തെരുവിൽ ഭിക്ഷയാചിക്കുന്നതായി കണ്ടാൽ പൊലീസ്​ ഇവരെ അറസ്​റ്റു ചെയ്യുമെന്നും അർജുൻ റാവു അറിയിച്ചു. 

ഹൈദരാബാദിൽ നവംബർ 28 ന്​ നടന്ന ത്രിദിന ഉച്ചകോടിയിൽ അമേരിക്കയിൽ നിന്നുള്ള 38 അംഗ പ്രതിനിധി സംഘത്തെ ട്രംപി​​​െൻറ മകളും ഉപേദേഷ്​ടാവുമായ ഇവാൻക ട്രംപാണ്​ നയിച്ചിരുന്നത്​. 

Show Full Article
TAGS:ivanka trump beggars Street hyderabad india news malayalam news 
News Summary - Ivanka Trump gone, beggars back in street in Hyderabad- India news
Next Story