വെടിയുണ്ടകളുമായി ഇറ്റാലിയൻ ബിസിനസ്സുകാരൻ എയർപോർട്ടിൽ പിടിയിൽ

ഹൈദരാബാദ്: വെടിയുണ്ടകളുമായി ഇറ്റാലിയൻ ബിസിനസുകാരൻ ഷംഷാബാദ് എയർപോർട്ടിൽ അറസ്റ്റിലായി. നിക്കോൾ സഗെർമാനോ എന്ന ഇയാളിൽ നിന്നും 25 വെടിയുണ്ടകൾ കണ്ടെടുത്തു. ഇതിൽ മൂന്ന് ബുള്ളറ്റുകൾ ഉപയോഗിക്കപ്പെട്ടവയാണ്. ഹൈദരാബാദിൽ നിന്നും ദുബായിലേക്കുള്ള യാത്രയിലായിരുന്നു ഇയാൾ.

പ്രതി സ്പോർട്സ് മാർക്കറ്റിങ് ബിസിനസുകാരനാണെന്ന് റിപ്പോർട്ടുകളുണ്ട്. വിജയവാഡയിൽ ഫോർമുല 1 പവർബോട്ട് വേൾഡ് ചാമ്പ്യൻഷിപ്പ് റേസിങ്ങിൽ പങ്കെടുക്കാൻ നവംബർ 13 നാണ് ഇയാൾ തെലങ്കാനയിലെത്തിയത്.