Begin typing your search above and press return to search.
exit_to_app
exit_to_app
Homechevron_rightNewschevron_rightIndiachevron_rightഅന്ന്​ പറഞ്ഞത്​​...

അന്ന്​ പറഞ്ഞത്​​ വാക്​​സിൻ കയറ്റുമതി മ​നുഷ്യത്വത്തെ സഹായിക്കാനുള്ള ത്വര കൊണ്ടെന്ന്; വിമർശനം രൂക്ഷമായപ്പോൾ മലക്കം മറിച്ചിൽ

text_fields
bookmark_border
അന്ന്​ പറഞ്ഞത്​​ വാക്​​സിൻ കയറ്റുമതി മ​നുഷ്യത്വത്തെ സഹായിക്കാനുള്ള ത്വര കൊണ്ടെന്ന്; വിമർശനം രൂക്ഷമായപ്പോൾ മലക്കം മറിച്ചിൽ
cancel

ന്യൂഡൽഹി: കോവിഡി​െൻറ രണ്ടാം തരംഗം അതിതീവ്രമായാണ്​ രാജ്യത്ത്​ പടരുന്നത്​. സമാനതകളില്ലാത്ത പ്രതിസന്ധിയാണ്​ ഇത്​ ഇന്ത്യയിലുണ്ടാക്കുന്നത്​. കടുത്ത ഓക്​സിജൻ ക്ഷാമം മൂലവും ചികിത്സ സൗകര്യങ്ങളുടെ അപര്യാപ്​തത കൊണ്ടും നിരവധി പേരാണ്​ കോവിഡ്​ രണ്ടാം തരംഗത്തിൽ മരിക്കുന്നത്​. ഇതിനിടെ രാജ്യത്തെ വാക്​സിനേഷൻ പ്രവർത്തനങ്ങളിലും കാര്യമായ പുരോഗതിയില്ല. ആവശ്യമായ വാക്​സിൻ ലഭിക്കാത്തതാണ്​​ പ്രതിസന്ധിക്ക്​ കാരണം. വാക്​സിൻ നിർമ്മാണം രാജ്യത്ത്​ തുടങ്ങിയതിന്​ ശേഷം വൻതോതിൽ കയറ്റുമതി നടത്തിയതാണ്​ ഇപ്പോഴുള്ള ക്ഷാമത്തിന്​ കാരണമെന്ന വിമർശനം പ്രതിപക്ഷം ഉന്നയിച്ച്​ കഴിഞ്ഞു. ഇതിനിടെ വാക്​സിൻ കയറ്റുമതി സംബന്ധിച്ച്​ ബി.ജെ.പിയുടെയും മോദിയുടേയും വ്യത്യസ്​ത നിലപാടുകൾ സമൂഹമാധ്യമങ്ങളിൽ ചർച്ചയാവുകയാണ്​.

ഭഗവത്​ഗീതയിൽ നിന്ന്​ പ്രചോദനം ഉൾക്കൊണ്ട്​ മനുഷത്വത്തെ സഹായിക്കാനുള്ള ത്വരകൊണ്ടാണ്​ വാക്​സിൻ വൻതോതിൽ വിദേശത്തേക്ക്​ കയറ്റുമതി ചെയ്​തതെന്നാണ്​ നരേന്ദ്ര മോദി കോവിഡ്​ രണ്ടാം തരംഗം തുടങ്ങുന്നതിന്​ മുമ്പ്​ 2021 മാർച്ച്​ 11ന്​ പറഞ്ഞത്​. അന്നും പ്രതിപക്ഷ പാർട്ടികളി​ലെ ചിലരെങ്കിലും വാക്​സിൻ കയറ്റുമതിക്കെതിരെ രംഗത്തെത്തിയിരുന്നു.

എന്നാൽ, ഇന്ന്​ സ്ഥിതി മാറിയിരിക്കുന്നു. കോവിഡ്​ രണ്ടാം തരംഗം രാജ്യത്ത്​ പടർന്നു പിടിച്ചു. വാക്​സിൻ ആവശ്യത്തിന്​ ലഭിക്കാത്തതിൽ കേന്ദ്രസർക്കാറിന്​ നേരെ വലിയ രീതിയിൽ വിമർശനം ഉയരുന്നു. വാക്​സിൻ കയറ്റുമതി ചെയ്​ത തീരുമാനം തെറ്റായി പോയെന്ന്​ വിവിധ കോണുകളിൽ നിന്ന്​ അഭിപ്രായം വന്നതോടെ ബി.ജെ.പി നിലപാട്​ മാറ്റി. വാക്​സിൻ നിർമാതാക്കളുടെ ചില ലൈസൻസ്​ ബാധ്യതകളെ തുടർന്നാണ്​ കയറ്റുമതി വേണ്ടി വന്നതെന്നാണ്​ പാർട്ടി വക്​താവ്​ സാംബിത്​ പാത്രയുടെ പുതിയ നിലപാട്​. വാക്​സിൻ കയറ്റുമതിയിൽ കോൺഗ്രസും ആം ആദ്​മി പാർട്ടിയും വിമർശനം ഉന്നയിച്ചപ്പോഴാണ്​ പാത്ര ഇക്കാര്യത്തിൽ നിലപാട്​ വ്യക്​തമാക്കിയത്​. നേരത്തെ മോദി പറഞ്ഞതിൽ നിന്നും ഘടകവിരുദ്ധമാണ്​ ഇപ്പോഴുള്ള പാത്രയുടെ നിലപാട്​. ബി.ജെ.പി നേതാക്കളുടെ ഈ രണ്ട്​ പ്രസ്​താവനകളിലെ വൈരുദ്ധ്യം ചൂണ്ടിക്കാട്ടി നിരവധി പേരാണ്​ സമൂഹമാധ്യമങ്ങളിൽ രംഗത്തെത്തുന്നത്​.

Show Full Article
TAGS:Narendra Modi Covid-19 vaccine 
News Summary - It was said at the time that the export of the vaccine was in a hurry to help humanity
Next Story