െഎ.എസ്​ ബന്ധം: മുംബൈയിൽ യുവാവ്​ അറസ്​റ്റിൽ

മുംബൈ: ഇസ്​ലാമിക്​ സ്​റ്റേറ്റ്​ (െഎ.എസ്​) അംഗം എന്ന്​ സംശയിക്കുന്ന യുവാവിനെ മുംബൈ വിമാനത്താവളത്തിൽനിന്ന്​ ഉത്തർപ്രദേശ്​ ഭീകരവിരുദ്ധ സേന അറസ്​റ്റ്​ ചെയ്​തു​. സൗദിയിലെ റിയാദിൽ നിന്ന്​ ശനിയാഴ്​ച മുംബൈയിൽ എത്തിയ അബു സെയ്​ദിനെയാണ്​ എ.ടി.എസ്​ പിടികൂടിയത്​. ഇയാൾക്കെതിരെ വിമാനത്താവളങ്ങളിൽ ലുക്കൗട്ട്​ നോട്ടീസ്​ പുറ​െപ്പടുവിച്ചിരുന്നു. 

ഏപ്രിലിൽ യു.പി എ.ടി.എസ്​ അറസ്​റ്റ്​ ചെയ്​ത െഎ.എസ്​ ബന്ധമുള്ളവരെന്ന്​ സംശയിക്കുന്ന നാൽവർ സംഘത്തി‍​െൻറ മേധാവിയാണ്​ അബു സെയ്​ദെന്നാണ്​ ആരോപണം. ഇയാളുടെ അറസ്​റ്റ്​ വിവരം യു.പിയിലെ ക്രമസമാധാനചുമതലയുളള എ.ഡി.ജി.പി അനന്തകുമാർ ഞായറാഴ്​ച ലഖ്​​നോവിലാണ്​ വെളിപ്പെടുത്തിയത്​. തിങ്കളാഴ്​ച മുംബൈ കോടതിയിൽ ഹാജരാക്കിയശേഷം ലഖ്​​നോവിലേക്ക്​ കൊണ്ടുപോകും. 

കഴിഞ്ഞ ഏപ്രിലിൽ നസിം എന്ന ഉമർ, മുസമ്മിൽ എന്ന ഗാസി ബാബ, ഫൈസാൻ എന്ന മുഫ്​തി, ഇഹ്​തശാം എന്ന ജകാവൻ എന്നിവരെയാണ്​ യു.പി എ.ടി.എസ്​ അറസ്​റ്റ്​ ചെയ്​തത്​. ഇവരുടെ മൊഴിയുടെയും മൊബൈൽ ഫോണിൽനിന്ന്​ ലഭിച്ച തെളിവുകളുടെ അടിസ്​ഥാനത്തിൽ അബു സെയ്​ദിനെതിരെ ലുക്കൗട്ട്​ നോട്ടീസ്​ പുറപ്പെടുവിച്ചതായാണ്​ പൊലീസ്​ പറയുന്നത്​. റിയാദിൽനിന്ന്​  സമൂഹമാധ്യമങ്ങളിലൂടെയാണ്​ യുവാക്കളെ െഎ.എസിലേക്ക്​ ആകർഷിക്കാൻ ശ്രമിച്ചതെന്ന്​ പൊലീസ്​ പറയുന്നു. സംഘത്തിലെ മറ്റുള്ളവരുമായി മൊബൈൽ ആപ്​ വഴിയാണ് ​ആശയവിനിമയം നടത്തിയിരുന്നതെന്നും അവർ വ്യക്​തമാക്കി.