അമൃത്​സർ ആ​ക്രമണത്തിന്​ പിന്നിൽ ​െഎ.എസ്​.​െഎയെന്ന്​ അമരീന്ദർ സിങ്​

ചണ്ഡിഗഢ്​: അമൃത്​സറിലെ പ്രാർഥന ഹാളിന്​ നേരെയുണ്ടായ ഗ്രനേഡ്​ ആക്രമണത്തിന്​ പിന്നിൽ പാക്​ ചാരസംഘടനയായ ​െഎ.എസ്​.​െഎയാണെന്ന്​ പഞ്ചാബ്​ മുഖ്യമന്ത്രി അമരീന്ദർ സിങ്​. ആക്രമണത്തിന്​ ഉപയോഗിച്ച ഗ്രനേഡ്​ പാകിസ്​താനിലാണ്​ നിർമിച്ചത്​. ആക്രമണത്തിന്​ പിന്നിൽ പ്രവർത്തിച്ചതെന്ന സംശയിക്കുന്ന ഒരാൾ അറസ്​റ്റിലായിട്ടുണ്ടെന്നും അദ്ദേഹം പറഞ്ഞു.

ഇതുമായി ബന്ധപ്പെട്ട കേസിൽ വർഗീയ പ്രശ്​നമില്ല. തീവ്രവാദി ആക്രമണമാണ്​ അമൃതസറിലുണ്ടായത്​. ​പാക്​ ചാരസംഘടനയായ ​െഎ.എസ്​.​െഎയാണ്​ ആക്രമണത്തിന്​ പിന്നിലുള്ളതെന്നും അമരീന്ദർ സിങ്​ വ്യക്​തമാക്കി.

അമൃത്​സറിൽ നിരാങ്കരി പ്രാർഥന ഹാളിലാണ്​ ഗ്രനേഡ്​ ആക്രമണം ഉണ്ടായത്​. എല്ലാ ഞായറാഴ്​ചയും നൂറിലധികം ആളുകൾ പ്രാർഥിക്കാൻ വരുന്ന ഹാളിന്​ നേരെയാണ്​ ആക്രമണമുണ്ടായത്​. സംഭവം നടക്കു​േമ്പാൾ 500 പേർ ഹാളിനകത്ത്​ ഉണ്ടായിരുന്നു.