Begin typing your search above and press return to search.
exit_to_app
exit_to_app
Homechevron_rightNewschevron_rightIndiachevron_right16 ലക്ഷം...

16 ലക്ഷം കൈക്കൂലിയുമായി റവന്യൂ ഉദ്യോഗസ്ഥൻ പിടിയിൽ

text_fields
bookmark_border
16 ലക്ഷം കൈക്കൂലിയുമായി റവന്യൂ ഉദ്യോഗസ്ഥൻ പിടിയിൽ
cancel
camera_alt

Representative Image

ജയ്പൂർ: ഇന്ത്യൻ റവന്യൂ സർവീസ് (ഐ.ആർ.എസ്) ഉദ്യോഗസ്ഥൻ കൈക്കൂലിയായി ലഭിച്ച 16 ലക്ഷവുമായി പിടിയിലായി. രാജസ്ഥാനിലെ അഴിമതി വിരുദ്ധ ബ്യൂറോ ആണ് റവന്യൂ ഉദ്യോഗസ്ഥനെ പിടികൂടിയത്. വാഹനത്തിനകത്ത് മിഠായി ബോക്സുകളിൽ ഒളിപ്പിച്ച നിലയിലായിരുന്നു പണം.

38 കാരനായ ശശാങ്ക് യാദവ് ആണ് പിടിയിലായത്. യു.പിയിലെ ഗാസിപൂരിലെയും മധ്യപ്രദേശിലെ നീമുച്ചിലെയും കറുപ്പ് ഫാക്ടറികളുടെ ജനറൽ മാനേജർ ആണ് ഇയാൾ. മേഖലയിലെ കറുപ്പ് കൃഷിക്കാരിൽ നിന്നാണ് പണം ലഭിച്ചതെന്നാണ് റിപ്പോർട്ട്. എന്നാൽ, പണം നൽകിയവരുടെ വിവരങ്ങൾ ഇയാൾ വെളിപ്പെടുത്തിയിട്ടില്ല.

ഉയർന്ന അളവിൽ കറുപ്പ് ഉൽപന്ന സാമ്പിളുകൾ അംഗീകരിക്കുന്നതിന് ഫാക്ടറി ജീവനക്കാർ രാജസ്ഥാനിലെ കർഷകരിൽനിന്ന് 60,000 മുതൽ 80,000 രൂപ വരെ പിരിച്ചെടുക്കുന്നതായി അസി. പൊലീസ് സൂപ്രണ്ട് ചന്ദ്രശീൽ താക്കൂർ പറഞ്ഞു.

Show Full Article
TAGS:bribe IRS Rajasthan 
Next Story