സ്ത്രീകൾക്കെതിരായ അതിക്രമം തടയാൻ ഇടപെടൽ വേണം –യു.എൻ സെക്രട്ടറി ജനറൽ

മുംബൈ: സ്ത്രീകൾക്കെതിരെയുള്ള അതിക്രമം 'വലിയ അർബുദ'മാണെന്നും എല്ലാ രാജ്യങ്ങളും ഇതിനെ നേരിടാൻ അടിയന്തര പദ്ധതി ഒരുക്കണമെന്നും ഐക്യരാഷ്ട്രസഭ സെക്രട്ടറി ജനറൽ അന്റോണിയോ ഗുട്ടെറസ്.

ബോംബെ ഇന്ത്യൻ ഇൻസ്റ്റിറ്റ്യൂട്ട് ഓഫ് ടെക്‌നോളജിയിൽ (ഐ.ഐ.ടി) വിദ്യാർഥികളുമായി സംസാരിക്കുകയായിരുന്നു അദ്ദേഹം. സമൂഹ മാധ്യമങ്ങളിൽ വനിതകളായ ആക്ടിവിസ്റ്റുകളും രാഷ്ട്രീയക്കാരും അതിക്രമത്തിന് കൂടുതൽ ഇരയാകുന്നതായി അദ്ദേഹം ചൂണ്ടിക്കാട്ടി.