മണിപ്പൂരിൽ വീണ്ടും സംഘർഷം; അഞ്ച് ജില്ലകളിൽ ഇന്‍റർനെറ്റ് സേവനങ്ങൾ റദ്ദാക്കി

ഇംഫാൽ: മണിപ്പൂരിൽ സംഘർഷത്തെ തുടർന്ന് അഞ്ച് ദിവസത്തേക്ക് സർക്കാർ ഇന്‍റർനെറ്റ് നിരോധിച്ചു. ശനിയാഴ്ച രാത്രി 11:45 ഓടെയാണ് ഉത്തരവ് പ്രാബല്യത്തിൽ വന്നത്. ഇംഫാൽ വെസ്റ്റ്, ഇംഫാൽ ഈസ്റ്റ്, ഥൗബൽ, ബിഷ്ണുപൂർ, കാക്ചിങ് തുടങ്ങിയ അഞ്ച് ജില്ലകളെയാണ് നിരോധനം ബാധിക്കുന്നത്.

മെയ്‌തേയ് സംഘടനയായ അരംബായ് ടെങ്കോലിന്‍റെ നേതാവിനെ അറസ്റ്റ് ചെയ്തതതിനെതുടർന്നുള്ള പ്രദേശങ്ങളിലുണ്ടായ സംഘർഷത്തെതുടർന്നാണ് സർക്കാറിന്‍റെ നീക്കം. 2023 ലെ ​മ​ണി​പ്പൂ​ർ ക​ലാ​പ​വു​മാ​യി ബ​ന്ധ​പ്പെ​ട്ട ക്രി​മി​ന​ൽ പ്ര​വ​ർ​ത്ത​ന​ങ്ങ​ളി​ൽ പ​ങ്കു​ണ്ടെ​ന്ന് ആ​രോ​പി​ച്ച് മെ​യ്‌​തി സം​ഘ​ട​ന അ​രം​ബാ​യി ടെ​ങ്കോ​ൾ നേ​താ​വ് ക​നാ​ൻ സി​ങ്ങി​നെ ഇം​ഫാ​ൽ വി​മാ​ന​ത്താ​വ​ള​ത്തി​ൽ​നി​ന്നാ​ണ് സി.​ബി.​ഐ അ​റ​സ്റ്റ് ചെ​യ്ത​ത്.

അ​റ​സ്റ്റി​നെ തു​ട​ർ​ന്ന് ദേ​ഹ​ത്ത് പെ​ട്രോ​ളൊ​ഴി​ച്ച് യു​വാ​ക്ക​ൾ ആ​ത്മ​ഹ​ത്യ ഭീ​ഷ​ണി​യു​മാ​യി തെ​രു​വി​ലി​റ​ങ്ങി. പ്ര​തി​ഷേ​ധ​ക്കാ​ർ ഇം​ഫാ​ൽ വി​മാ​ന​ത്താ​വ​ള ഗേ​റ്റ് ഘെ​രാ​വോ ചെ​യ്യു​ക​യും ബ​സ് ക​ത്തി​ക്കു​ക​യും ചെ​യ്തി​രു​ന്നു. സാമൂഹിക വിരുദ്ധർ വിദ്വേഷ പരാമർശങ്ങൾ, ചിത്രങ്ങൾ, വിഡിയോകൾ എന്നിവ സമൂഹ മാധ്യമ പ്ലാറ്റ്ഫോമുകൾ വഴി പ്രചരിപ്പിക്കുന്നത് പ്രദേശങ്ങളിൽ പ്രകോപനമുണ്ടാക്കുന്നതിനുള്ള സാഹചര്യം കണക്കിലെടുത്താണ് നടപടിയെന്ന് ആഭ്യന്തര സെക്രട്ടറി എൻ.അശോക് കുമാർ പറഞ്ഞു. ഉത്തരവ് ലംഘിക്കുന്നതായി കണ്ടെത്തിയാൽ നിയമപരമായ പ്രത്യാഘാതങ്ങൾ നേരിടേണ്ടിവരുമെന്നും നിർദ്ദേശത്തിൽ മുന്നറിയിപ്പുണ്ട്. പൗരന്മാർ അധികാരികളുമായി സഹകരിക്കണമെന്ന് അഭ്യർത്ഥിച്ചു.

ഇംഫാൽ വെസ്റ്റ്, ഇംഫാൽ ഈസ്റ്റ്, ഥൗബൽ, കാക്ചിങ് ജില്ലകളിൽ നാലോ അതിലധികമോ ആളുകളുടെ ഒത്തുചേരൽ നിയന്ത്രിച്ചു. അതേസമയം ബിഷ്ണുപൂരിൽ പൂർണ്ണ കർഫ്യൂ ഏർപ്പെടുത്തി.