You are here

യൂറോപ്യൻ എം.പിമാരുടെ സന്ദർശനം കശ്​മീരിനെ അന്താരാഷ്​ട്രവൽക്കരിക്കാനല്ലെന്ന്​ കേന്ദ്രം

17:57 PM
31/10/2019
kashmir-visit

ന്യൂഡൽഹി: യൂറോപ്യൻ എം.പിമാരുടെ സംഘത്തി​​​െൻറ ജമ്മുകശ്​മീർ സന്ദർശനത്തിൽ പ്രതികരണവുമായി കേന്ദ്രസർക്കാർ. ദേശീയ താൽപര്യം മുൻനിർത്തിയാണ്​ എം.പിമാരുടെ സന്ദർശനം. കശ്​മീർ വിഷയത്തെ അന്താരാഷ്​ട്രവൽക്കരിക്കുകയെന്നത്​ സന്ദർശനത്തി​​​െൻറ ലക്ഷ്യമല്ലെന്നും വിദേശകാര്യമന്ത്രാലയം വ്യക്​തമാക്കി.

കശ്​മീരിലെ ജനങ്ങളുമായുള്ള ബന്ധം കൂടുതൽ മെച്ചപ്പെടുത്തുന്നതിന്​ ഇത്തരം സന്ദർശനം ഉപകാരപ്പെടുമെന്ന്​ വിദേശകാര്യ മന്ത്രാലയം വക്​താവ്​ രവീഷ്​ കുമാർ പറഞ്ഞു. തീവ്രവാദത്തെ ഇന്ത്യ പ്രതിരോധിക്കുന്നതിനെ കുറിച്ച്​ അറിയാനും യുറോപ്യൻ എം.പിമാർക്ക്​ താൽപര്യമുണ്ടായിരുന്നുവെന്നും​ അദ്ദേഹം കൂട്ടിച്ചേർത്തു.

27 യൂറോപ്യൻ എം.പിമാർ രണ്ടു ദിവസത്തെ സന്ദർശനത്തിനായാണ്​ ജമ്മു കശ്മീരിലെത്തിയത്. ഇന്ത്യൻ ജനപ്രതിനിധികൾക്കും രാഷ്ട്രീയ നേതാക്കൾക്കും മൂന്നു മാസമായി കശ്മീരിൽ പ്രവേശനം നൽകിയിട്ടില്ലാത്ത സാഹചര്യത്തിലാണ് യൂറോപ്യൻ എം.പിമാർക്ക് സന്ദർശനാനുമതി നൽകിയത്. ബ്രിട്ടൻ, ഫ്രാൻസ്, ജർമനി, ഇറ്റലി, പോളണ്ട്, ചെക്ക് റിപ്പബ്ലിക്, സ്ലോവാക്യ എന്നിവിടങ്ങളിലെ കടുത്ത വലതുപക്ഷ എം.പിമാരാണ്​ കശ്മീരിലെത്തിയത്.

Loading...
COMMENTS