മണ്ഡികൾ ഇല്ലാതാക്കും, നിയമം കോർപറേറ്റുകൾക്ക്​ വേണ്ടി; ലോക്​സഭയിൽ രാഹുൽ ഗാന്ധി

ന്യൂഡൽഹി: കേന്ദ്രസർക്കാറിന്‍റെ കാർഷിക നിയമങ്ങൾക്കെതിരെ ലോക്​സഭയിൽ പ്രതികരിച്ച്​ കോൺഗ്രസ്​ നേതാവ്​ രാഹുൽ ഗാന്ധി. മൂന്ന്​ കാർഷിക നിയമങ്ങളും കർഷകരെ ദുരിതത്തിലാക്കുമെന്ന്​ വിശദീകരിച്ച അദ്ദേഹം നിയമങ്ങളുടെ ഭവിഷ്യത്തുകൾ വിവരിച്ചു.

കേന്ദ്രസർക്കാറിന്‍റെ ആദ്യ കാർഷിക നിയമം രാജ്യത്തെ കാർഷിക വിളകളുടെ വിൽപനക്കും വാങ്ങലിനും അതിർത്തി നിർണയിക്കും. ഇതോടെ മണ്ഡികൾ (ചെറുചന്തകൾ) ഇല്ലാതാകും.

രണ്ടാമത്തെ നിയമം കോർപറേറ്റുകളെ സഹായിക്കുന്നതാണ്​. ഇതിലൂടെ അവർക്കാവശ്യമായ ഉൽപന്നങ്ങൾ അളവില്ലാതെ സൂക്ഷിക്കാൻ അവസരം നൽകും.

മൂന്നാമത്തെ കാർഷിക നിയമം കർഷകരുടെ വിളകൾക്ക്​ മാന്യമായ വില ആവശ്യപ്പെടുന്നതിൽനിന്ന്​ കോടതിമൂലം തടയുന്നതാണെന്നും രാഹുൽ ഗാന്ധി പറഞ്ഞു.

കാർഷിക നിയമങ്ങളുടെ ഉള്ളടക്കവും ലക്ഷ്യങ്ങളും ചർച്ചചെയ്​ത്​ പ്രധാനമന്ത്രിയെ സന്തോഷിപ്പിക്കാം എന്ന വാചകത്തോടെയാണ്​ രാഹുൽ ഗാന്ധി പ്രസംഗം ആരംഭിച്ചത്​.

നാടകീയ സംഭവങ്ങളോടെയാണ്​ ലോക്​സഭ സമ്മേളനം ആരംഭിച്ചത്​. സ്​പീക്കർ ​ഓം ബിർലയെ വലതുപക്ഷ എം.പിമാർ ജയ്​ ശ്രീറം വിളികളോടെയാണ്​ സ്വാഗതം ​െചയ്​തത്​. ചിലർ സലാം വിളിച്ചും സ്വാഗതം ചെയ്​തു. ഇത്​ പ്രതിപക്ഷ പ്രതിഷേധത്തിന്​ ഇടയാക്കി.