Begin typing your search above and press return to search.
exit_to_app
exit_to_app
Homechevron_rightNewschevron_rightIndiachevron_rightതീവ്രവാദത്തെ​ താലിബാൻ...

തീവ്രവാദത്തെ​ താലിബാൻ പ്രോത്സാഹിപ്പിച്ചാൽ അതേനാണയത്തിൽ തിരിച്ചടി -സംയുക്​ത സൈനിക മേധാവി

text_fields
bookmark_border
തീവ്രവാദത്തെ​ താലിബാൻ പ്രോത്സാഹിപ്പിച്ചാൽ അതേനാണയത്തിൽ തിരിച്ചടി -സംയുക്​ത സൈനിക മേധാവി
cancel

ന്യൂഡൽഹി: താലിബാന്‍റെ ഭാഗത്ത്​ നിന്നും തീവ്രവാദത്തെ പ്രോൽസാഹിപ്പിക്കുന്ന പ്രവർത്തനങ്ങളുണ്ടായാൽ അതേനാണയത്തിൽ തിരിച്ചടി നൽകുമെന്ന്​ സംയുക്​ത സൈനിക മേധാവി ബിപിൻ റാവത്ത്​. ഇന്ത്യയിലെ തീവ്രവാദ പ്രവർത്തനങ്ങളെ പ്രതിരോധിക്കുന്നതിന്​ സൈന്യം പ്രയോഗിക്കുന്ന അതേരീതികൾ തന്നെയാവും താലിബാനെതിരെയും നടപ്പിലാക്കുകയെന്നും അദ്ദേഹം കൂട്ടിച്ചേർത്തു.

ആഗോള തീവ്രവാദത്തെ പ്രതിരോധിക്കാനുള്ള എല്ലാ നീക്കങ്ങൾക്കും ഇന്ത്യയുടെ പിന്തുണയുണ്ടാകും. അഫ്​ഗാനിസ്​താനിൽ നിന്നും ഇന്ത്യയെ ലക്ഷ്യമിട്ടുള്ള ഭീകരാക്രമണ ശ്രമങ്ങളെ അതേ രീതിയിൽ തന്നെ നേരിടും. ഇന്തോ-പസഫിക് ​& അഫ്​ഗാൻ സാഹചര്യം എന്നിവ ഒരേ രീതിയിൽ നോക്കി കാണാനാവില്ല. അത്​ രണ്ടും വ്യത്യസ്​ത പ്രശ്​നങ്ങളാണ്​. ഇത്​ രണ്ടും​ രാജ്യത്തിന്‍റെ സുരക്ഷക്ക്​ ഭീഷണിയാണ്​. എങ്കിലും സമാന്തരമായി പോകുന്ന രേഖകളാണ്​ ഈ രണ്ട്​ പ്രശ്​നങ്ങളെന്നും അവ ഒരിക്കലും കൂട്ടിമുട്ടാൻ സാധ്യതയില്ലെന്നും അദ്ദേഹം കൂട്ടിച്ചേർത്തു.

ഇതാദ്യമായാണ്​ താലിബാൻ വിഷയത്തിൽ സംയുക്​ത സൈനിക മേധാവി ബിപിൻ റാവത്ത്​ പ്രസ്​താവന നടത്തുന്നത്​. അഫ്​ഗാനിസ്​താനിൽ ഇന്ത്യക്ക്​ വലിയ രീതിയിൽ നിക്ഷേപമുണ്ട്​. താലിബാൻ അധികാരം പിടിച്ചതിന്​ പിന്നാലെ അഫ്​ഗാനിലുള്ള ഇന്ത്യൻ പൗരൻമാരെ വ്യോമസേന വിമാനങ്ങളിൽ നാട്ടിലെത്തിച്ചിരുന്നു.

Show Full Article
TAGS:Bipin Rawat Afganistan Taliban 
News Summary - Inputs to fight global war on terrorism are welcome: CDS Bipin Rawat on Taliban
Next Story