ഹാഥറസ്​ സന്ദർശിക്കാനെത്തിയ എ.എ.പി എം.പിക്ക്​​ നേരെ മഷിയേറ്​

ലഖ്​നോ: ഹാഥറസിൽ കൂട്ടബലാത്സംഗത്തിനിരയായി കൊല്ലപ്പെട്ട പെൺകുട്ടിയു​െട വീട്​ സന്ദർശിക്കാനെത്തിയ ആപ്​ എം.പി സഞ്​ജയ്​ സിങ്ങിന്​ നേരെ മഷിയേറ്​. പെൺകുട്ടിയുടെ വീട്​ സന്ദർശിച്ച്​ മടങ്ങു​​േമ്പാഴാണ്​ സംഭവമുണ്ടായത്​. മഷിയെറിഞ്ഞയാളെ ​പൊലീസ്​ അറസ്​റ്റു ചെയ്​തു. സഞ്​ജയ്​ സിങ്ങി​െൻറ നേതൃത്വത്തിൽ​ നിരവധി പ്രവർത്തകരടങ്ങുന്ന ആപ്​ സംഘമാണ്​ ഹാഥറസ്​ പെൺകുട്ടിയുടെ വീട്ടിലെത്തിയത്​.

പോപ്പുലർ ഫ്രണ്ടി​െൻറ ഏജൻറാണെന്ന്​ ആക്രോശിച്ചാണ്​ മഷിയേറ്​ ഉണ്ടായതെന്ന്​ സഞ്​ജയ്​ സിങ്​ മാധ്യമ പ്രവർത്തകരോട്​ പ്രതികരിച്ചു. ആക്രമണമുണ്ടായതിന്​ പിന്നാലെ കൂടുതൽ പ്രതികരണങ്ങൾക്ക്​ മുതിരാതെ അനുയായികളോടൊപ്പം സഞ്​ജയ്​ സിങ്​ കാറിൽ കയറി സ്ഥലം വിട്ടു.

ഹാഥറസിൽ കൂട്ട ബലാത്സംഗത്തിനിരയായി കൊല്ലപ്പെട്ട ദലിത്​ പെൺകുട്ടിയുടെ വീട്​ രാഹുൽ ഗാന്ധിയും പ്രിയങ്ക ഗാന്ധിയുമാണ്​ ആദ്യം സന്ദർശിച്ചത്​. തുടർന്ന്​ വിവിധ രാഷ്​ട്രീയ പാർട്ടി നേതാക്കൾ ഹാഥറസിൽ എത്തിയിരുന്നു.