രോഗിയായ കുട്ടിയെ കട്ടിലിൽ ചുമന്ന്​ കുടുംബം താണ്ടിയത്​ 800 കിലോമീറ്റർ

ന്യൂഡൽഹി: കൈയിലുള്ള സാധനങ്ങൾ ഉപയോഗിച്ച്​ സ്​ട്രെച്ചറി​​​​​െൻറ രൂപമുണ്ടാക്കി അതിൽ ഗുരുതരമായി പരിക്കേറ്റ കുട്ടിയെ കിടത്തി പഞ്ചാബിലെ ലുധിയാനയിൽ നിന്നുള്ള കുടുംബം പിന്നിട്ടത്​ 800 കി.മി. അവരുടെ കൈയിൽ ആവശ്യത്തിന്​ ഭക്ഷണമോ, പണമോ, കാലിൽ ചെരിപ്പുകളോ ഉണ്ടായിരുന്നില്ല.

ലുധിയാനയിലെ  ദിവസവേതന തൊഴിലാളികളാണ്​ മധ്യപ്രദേശിലെ സിൻഗ്രൗലിലെത്താൻ  കാൽനടയായി പുറപ്പെട്ടത്​. സ്​ത്രീകളും കുട്ടികളും ഉൾപ്പെടെയുള്ള സംഘം 15 ദിവസമായി കാൽനടയായി സഞ്ചരിക്കുകയായിരുന്നുവെന്ന്​​ കുടുംബാംഗങ്ങളിലൊരാൾ പറഞ്ഞു. ഉത്തർപ്രദേശിലെ കാൺപൂരിൽ നിന്നാണ്​ പരിക്കേറ്റ കുഞ്ഞിനെയും ചുമന്നു നടന്ന കുടുംബത്തെ മാധ്യമപ്രവർത്തകർ കണ്ടുമുട്ടിയത്​. അപ്പോഴേക്കും അവർ 800 കിലോമീറ്ററിലധികം കാൽനടയായി പിന്നിട്ട്​ കഴിഞ്ഞിരുന്നു.

മുളയും പ്ലാസ്​റ്റിക്​ചൂടികൊണ്ട മെടഞ്ഞ കട്ടിലും ചേർത്ത്​ ഉണ്ടാക്കിയ സ്​ട്രെച്ചറിൽ കുഞ്ഞിനെയും ഏറ്റികൊണ്ടായിരുന്നു ഇവരുടെ യാത്ര. സ്​ട്രെച്ചറിൽ കിടത്തിയ കുട്ടിയുടെ കഴുത്ത്​ തകർന്നിരിക്കയാണ്​. അവന്​ പരസഹായമില്ലാതെ ചലിക്കാനാവില്ല. യാത്രക്കിടെ ആരും വയറുനിറച്ച്​ ഭക്ഷണം കഴിച്ചിട്ടില്ലെന്ന്​ അവർ പറഞ്ഞു. കുടുംബത്തിൻെറ ദുരിത യാത്ര അറിഞ്ഞ കാൺപൂർ പൊലീസ്​ ഇവരെ സ്വന്തം ഗ്രാമത്തിലെത്തിക്കാൻ വാഹനസൗകര്യം ഒരുക്കി നൽകി. 

 പട്ടിണിയിൽ നിന്നും രക്ഷപ്പെടാനാണ്​ അവരീ ദുരിതവഴികൾ താണ്ടുന്നത്​. കോവിഡ്​ പിടിമുറക്കിയതോടെ എല്ലാവരും തൊഴിൽരഹിതരായി. മധ്യപ്രദേശിൽ നിന്ന്​ ഇത്തരത്തിൽ പലായനം ചെയ്യുന്ന നിരവധി കുടുംബങ്ങളു​ണ്ട്​. ലോക്​ഡൗൺ പ്രഖ്യാപിച്ചതിനെ തുടർന്ന്​ തൊഴിൽ രഹിതരായി പട്ടിണിയിൽ നിന്ന്​ മോചനം തേടാനാണ്​ അവർ കത്തുന്ന വെയിലിൽ കാതങ്ങൾ നടക്കുന്നത്​. ലക്ഷ്യം കാണുംമു​േമ്പ ചിലർ വിശപ്പുകൊണ്ട്​ തളർന്നും മറ്റുചിലർ അപകടത്തിൽ പെട്ടും രോഗം വന്നും മരിക്കുന്നു.