Top
Begin typing your search above and press return to search.
exit_to_app
exit_to_app
Homechevron_rightNewschevron_rightIndiachevron_rightകോവിഡ്​ 19 വൈറസ്​...

കോവിഡ്​ 19 വൈറസ്​ പരത്താൻ ആഹ്വാനം; ഇൻഫോസിസ്​ ജീവനക്കാരൻ അറസ്റ്റിൽ

text_fields
bookmark_border
കോവിഡ്​ 19 വൈറസ്​ പരത്താൻ ആഹ്വാനം; ഇൻഫോസിസ്​ ജീവനക്കാരൻ അറസ്റ്റിൽ
cancel

ബംഗളൂരു: കോവിഡ്​ 19 വൈറസ്​ പരത്താനും മുൻകരുതലില്ലാതെ ജനങ്ങളോട്​ പുറത്തുപോയി തുമ്മാനും ആഹ്വാനം ചെയ്യുന്ന തരത്തിൽ ഫേസ്​ബുക്കിൽ പോസ്റ്റിട്ട ഇൻഫോസിസ്​ ജീവനക്കാരൻ അറസ്റ്റിൽ. മുജീബ്​ റഹ്​മാൻ എന്നയാളാണ്​ വൈറസ്​ പരത്താൻ കൈകോർക്കണമെന്ന്​ ആവശ്യപ്പെട്ടതി​​െൻറ പേരിൽ ബംഗളൂരു സിറ്റി ക്രൈം ബ്രാഞ്ചി​​െൻറ പിടിയിലായത്​. 800ലധികം പേരെ ബാധിക്കുകയും 19 പേരുടെ ജീവനെടുക്കുകയും ചെയ്​ത കോവിഡ്​ 19നെ തുരത്താൻ രാജ്യം ലോക്​ഡൗണിൽ കഴിയവേയാണ്​ ഞെട്ടിക്കുന്ന പോസ്റ്റുമായി യുവാവ്​ രംഗത്തെത്തിയത്​.

സംഭവത്തിൽ അന്വേഷണം നടത്തിയ ഇൻഫോസിസ്​ മുജീബ്​ റഹ്​മാനെ ജോലിയിൽ നിന്നും പിരിച്ചുവിട്ടു. സ്ഥാപനത്തി​​െൻറ പെരുമാറ്റച്ചട്ടത്തിന്​ വിരുദ്ധമായാണ്​ അയാൾ പ്രവർത്തിച്ചതെന്നും ഇത്തരം പ്രവൃത്തികളോടട്​ ഇൻഫോസിസിന്​ യാതൊരു സഹിഷ്​ണുതയുമില്ലെന്നും അവർ ട്വറ്ററിൽ കുറിച്ചു.

നേരത്തെ ഒരു ജീവനക്കാരന്​ കോവിഡ്​ 19 സ്ഥിരീകരിച്ചതിനെ തുടർന്ന്​ ഇൻഫോസിസ്​ അവരുടെ ഒരു കെട്ടിടത്തിൽ നിന്നും ജീവനക്കാരെയെല്ലാം ഒഴിപ്പിച്ചിരുന്നു. ഒരു ഡസനിലധികം കെട്ടിടങ്ങളാണ്​ ബെംഗളൂരു സിറ്റിയിൽ മാത്രം ഇൻഫോസിസിനുള്ളത്​.

അതേസമയം കർണാടകയിൽ ഇതുവരെ 64 കോവിഡ്​ കേസുകളാണ്​ സ്ഥിരീകരിച്ചത്​. മൂന്ന്​ പേരാണ്​ രോഗം ബാധിച്ച്​ മരിച്ചത്​. സൗദിയിൽ നിന്നെത്തിയ കൽബുറഗി സ്വദേശിയായ 76 വയസുകാര​േൻറത്​ രാജ്യത്തിലെ തന്നെ ആദ്യത്തെ കോവിഡ്​ മരണമായിരുന്നു. നിലവിൽ അഞ്ച്​ പേർ രോഗം ഭേദമായി ആശുപത്രി വിട്ടിട്ടുണ്ട്​.

Show Full Article
TAGS:covid 19 infosys Man arrested Covid virus 
News Summary - Infosys Employee Arrested Over "Spread-The-Virus" Post-india news
Next Story