You are here

ഇന്ദിര ഗാന്ധി ഒരു തവണ കരിം ലാലയെ കണ്ടു; വെളിപ്പെടുത്തലുമായി മാധ്യമപ്രവർത്തകൻ

  • കൂടിക്കാഴ്​ചക്ക്​ വഴിയൊരുക്കിയത്​ ബോളിവുഡ്​ ബന്ധം

12:03 PM
17/01/2020
ഇന്ദിര ഗാന്ധി കരിം ലാലക്കൊപ്പം (കടപ്പാട്​: ഇന്ത്യ ടുഡേ)

മുംബൈ: മുൻ പ്രധാനമന്ത്രി ഇന്ദിര ഗാന്ധി അധോലോക രാജാവ്​ കരിം ലാലയെ സന്ദർശിച്ചിരുന്നെന്ന് ശിവസേന എം.പി സഞ്​ജയ്​ റാവത്ത്​ പരാമർശിച്ചതിൻെറ  വിവാദം കെട്ടടങ്ങിയപ്പോഴേക്കും ഈ വിഷയത്തിൽ പുതിയ വെളിപ്പെടുത്തലുമായി മുൻകാല മാധ്യമപ്രവർത്തകൻ രംഗത്ത്​.

ഇന്ദിര ഗാന്ധി ഒരിക്കൽ മാത്രം കരിം ലാലയെ കണ്ടു എന്നും അതിന്​ നിമിത്തമായത്​ ബോളിവുഡ്​ ആണെന്നും​ ചിത്രം സഹിതം വെളിപ്പെടുത്തിയത്​ മുതിർന്ന മാധ്യമ പ്രവർത്തകൻ ബൽജീത്​ പർമർ ആണ്​. കരിം ലാല ​േബാംബെ അധോലോകം അടക്കി വാണിരുന്ന 1940-80 കാലഘട്ടത്തിൽ ക്രൈം ജേർണലിസ്​റ്റ്​ ആയിരുന്നു ബൽജീത്​. പത്​മഭൂഷൺ ജേതാവ്​ ഹൃദയ്​നാഥ്​ ഛധോപാഥ്യക്കും കരിം ലാലക്കുമൊപ്പം ഇന്ദിര നിൽക്കുന്ന ചിത്രമാണ് ബൽജീത്​ പുറത്തുവിട്ടത്​.

1973ൽ മുൻകാല നടനായ ഹൃദയ്​നാഥ്​ പത്​​മഭൂഷൻ സ്വീകരിക്കുന്ന ചടങ്ങിൽ വെച്ചാണ്​ അദ്ദേഹം ഇന്ദിര ഗാന്ധിക്ക്​ കരിം ലാലയെ പരിചയ​പ്പെടുത്തിയത്​. പരമ്പരാഗത പഠാണി വേഷവിധാനത്തിൽ നിൽക്കുന്ന കരിം ലാലയെ ഇന്ത്യയിലെ പഠാണികളുടെ നേതാവ്​ എന്ന നിലക്കാണ്​ ഹൃദയ്​നാഥ്​ ഇന്ദിരക്ക്​ പരിചയപ്പെടുത്തിയത്​. കരിം ലാല ത​ന്നെയാണ്​ ഇക്കാര്യം തന്നോട്​ പറഞ്ഞതെന്നും ബൽജീത്​ വിശദീകരിക്കുന്നു.

‘ഒരിക്കൽ ഞാൻ കരിം ലാലയുടെ ഡോംഗ്രിയിലെ ഓഫിസിൽ പോയിരുന്നു. അവിടെ വെച്ച്​ അദ്ദേഹം ബോളിവുഡിലെ പ്രമുഖർക്കൊപ്പം നിൽക്കുന്ന ഫോ​ട്ടോകളടങ്ങിയ വലിയ ആൽബം എന്നെ കാണിച്ചു. അതിനുള്ളിലാണ്​ ഞാൻ അദ്ദേഹവും ഇന്ദിരയും ഒരുമിച്ച്​ നിൽക്കുന്ന ഫോ​ട്ടോ കണ്ടത്​. ഇതേക്കുറിച്ച്​ ചോദിച്ചപ്പോളാണ്​ പത്​മ പുരസ്​കാരദാന ചടങ്ങിൽ പ​ങ്കെടുക്കാൻ പോയതും ഇന്ദിരയെ പരിചയപ്പെട്ടതും കരിം ലാല പറയുന്നത്​’ -ബൽജീത്​ വിശദീകരിച്ചു. മുംബൈയിൽ വരു​േമ്പാൾ തന്നെ സന്ദർശിക്കണമെന്ന്​ അന്ന്​ ഇന്ദിരയോട്​ പറഞ്ഞെങ്കിലും പിന്നീട്​ കൂടിക്കാഴ്ച ഉണ്ടായില്ലെന്ന്​ കരിം ലാല വ്യക്​തമാക്കിയെന്നും ബൽജീത്​ ഓർത്തെടുക്കുന്നു. 

ബോളിവുഡ്​ താരങ്ങളുമായി അടുത്ത ബന്ധം പുലർത്തിയിരുന്നെങ്കിലും കരിം ലാല സിനിമ കാണുമായിരുന്നില്ലെന്നും അദ്ദേഹം പറഞ്ഞു. ഒരു സ്​ഥലത്ത്​ തന്നെ മൂന്ന്​ മണിക്കൂറോളം ഇരിക്കാൻ സമയം സമയവും താൽപര്യവും ഇല്ലാത്തതിനാലായിരുന്നു ഇത്​. അടിയന്തരാവസ്​ഥ കാലത്ത്​ ഹാജി മസ്​താനെ പോലുള്ള അധോലോക നേതാക്കൾ ജയിലിൽ പോയപ്പോൾ കരിം ലാലയെ അറസ്​റ്റ്​ ചെയ്​തിരുന്നില്ല. ഇത്​ കരിം ലാലക്ക്​ കോൺഗ്രസ്​ നേതാക്കളുമായുള്ള ബന്ധം മൂലമ​ാണെന്ന്​ അന്നേ ആരോപണം ഉയർന്നിരുന്നു.

ഇന്ദിര കരിം ലാലയെ കാണാൻ പതിവായി മുംബൈയിൽ എത്തുമായിരുന്നെന്ന സഞ്​ജയ്​ റാവത്തിൻെറ കഴിഞ്ഞ ദിവസത്തെ പരാമർശം ഈ ആരോപണം ശക്​തിപ്പെടുത്തുന്നതായി ചൂണ്ടിക്കാട്ടി ബി.ജെ.പി രംഗത്തെത്തിയെങ്കിലും കോൺഗ്രസിൻെറ ശക്​തമായ എതിർപ്പിനെ തുടർന്ന്​ റാവത്ത്​ പരാമർശം പിൻവലിച്ചിരുന്നു. വെള്ളിയാഴ്​ച മുഖപത്രമായ ‘സാമ്​ന’യിലെ ലേഖനത്തിലും ഇന്ദിരയെ അനുകൂലിച്ച്​ ശിവസേന രംഗത്തെത്തി.

വിവിധ മേഖലകളിലുള്ള നേതാക്കളുമായി ഇന്ദിര കൂടിക്കാഴ്​ച നടത്തിയത്​ വിവാദമാക്കേണ്ടയെന്നും പല പ്രശ്​നങ്ങളും പരിഹരിക്കാൻ പ്രധാനമന്ത്രി എന്ന നിലക്ക്​ അവർക്ക്​ ഇടപെടേണ്ടി വരുമായിരുന്നെന്നും ലേഖനത്തിൽ പറയുന്നു. കരിം ലാലക്ക്​ നിരവധി നേതാക്കളുമായി ബന്ധമുണ്ടായിരുന്നെന്നും ലേഖനത്തിലുണ്ട്​. 60കളിൽ ആഗോളാടിസ്​ഥാനത്തിൽ പഠാണികളുടെ പ്രശ്​നങ്ങൾ പരിഹരിക്കാനുള്ള ഇടപെടലുകളുടെ ഭാഗമായി ഖാൻ അബ്​ദുൽ ഗാഫർ ഖാനിൻെറ ‘ഖുദായി ഖിദ്​മത്​ഗർ’ എന്ന സംഘടനയുമായി കരിം ലാല യോജിച്ച്​ പ്രവർത്തിച്ചിരുന്നെന്നും ലേഖനത്തിൽ പറയുന്നു. 

Loading...
COMMENTS