പാക്​ മാധ്യമപ്രവർത്തകർക്ക്​ ‘സൗഹൃദക്കൈ’ കൊടുത്ത്​ യു.എന്നിലെ ഇന്ത്യൻ അംബാസഡർ

യുനൈറ്റഡ്​ ​േനഷൻസ്​: കശ്​മീർ പ്രശ്​നം സംബന്ധിച്ച യു.എൻ രക്ഷാസമിതിയുടെ അനൗദ്യോഗിക യോഗം റിപ്പോർട്ട്​ ചെയ്യ ാനെത്തിയ പാക്​ മാധ്യമ പ്രവർത്തകർക്ക്​ സൗഹൃദസൂചകമായി കൈകൊടുത്ത്​ ഐക്യരാഷ്​​ട്രസഭയിലെ ഇന്ത്യയുടെ സ്ഥിരം പ്ര തിനിധിയായ അംബാസഡർ സയ്യിദ്​ അക്​ബറുദ്ദീൻ. രക്ഷാസമിതി സ്ഥിരാംഗമായ ചൈനയുടെ അഭ്യർഥനപ്രകാരമാണ്​ വെള്ളിയാഴ്​ച യേ ാഗം ചേർന്നത്​. യോഗം കഴിഞ്ഞ്​ ആദ്യം പുറത്തിറങ്ങിയ ചൈനീസ്​ അംബാസഡർ ഴാങ്​ ജുനും രണ്ടാമതെത്തിയ പാകിസ്​താ​​​െൻറ യു.എൻ പ്രതിനിധി മലീഹ ലോധിയും വിഷയത്തിൽ തങ്ങളുടെ ഭാഗം മാധ്യമപ്രവർത്തകരോട്​ വിശദീകരി​ച്ചെങ്കിലും ചോദ്യങ്ങൾക്കു മറുപടി നൽകിയില്ല.

മൂന്നാമതെത്തിയ അക്​ബറുദ്ദീൻ, കശ്​മീർ, 370ാം വകുപ്പ്​ എന്നിവ സംബന്ധിച്ച്​ ഇന്ത്യയുടെ ഭാഗം വിശദീകരിച്ചു. തുടർന്ന്​ മാധ്യമ പ്രവർത്തകരുടെ ചോദ്യങ്ങൾക്ക്​ മറുപടി നൽകാൻ തയാറാണെന്നറിയിച്ച അദ്ദേഹം, ആദ്യ മൂന്നു​ ചോദ്യങ്ങൾ ഉന്നയിക്കാനുള്ള അവസരം പാക്​ മാധ്യമപ്രവർത്തകർക്ക്​ നൽകുകയും ചെയ്​തു.

പാകിസ്​താനുമായി സംഭാഷണത്തിന്​ ഇന്ത്യ തയാറാകുമോ എന്ന പാക്​ മാധ്യമ പ്രവർത്തക​​​െൻറ ചോദ്യത്തോട്​ ‘ഭീകരവാദം നിർത്തൂ, അപ്പോൾ സംഭാഷണം തുടങ്ങാം’ എന്നാണ്​ അദ്ദേഹം പ്രതികരിച്ചത്​. എപ്പോഴാണ്​ പാകിസ്​താനുമായി നിങ്ങൾ സംഭാഷണം നടത്തുക എന്ന ചോദ്യത്തിന്​ ഉത്തരമായാണ്​ ഇവിടെയുള്ള മൂന്ന്​ പാക്​ മാധ്യമപ്രവർത്തകർക്ക്​ ഹസ്​തദാനം ചെയ്​ത്​​ ഞാൻ തുടക്കം കുറിക്കാമെന്ന്​ പറഞ്ഞ്​ മാധ്യമ പ്രവർത്തകർക്കരികിലെത്തി കൈകൊടുത്തത്​.

സിംല കരാർ പാലിക്കാൻ ഇന്ത്യ പ്രതിജ്ഞാബദ്ധമാണെന്ന്​ പറഞ്ഞ അക്​ബറുദ്ദീൻ, തങ്ങൾ സൗഹൃദത്തി​ന്​ കൈ നീട്ടിയതായും ഇതിനോടുള്ള പാക്​ പ്രതികരണത്തിന്​ കാത്തിരിക്കുകയാണെന്നും അറിയിച്ചു.