കർഷക നിയമങ്ങളെ പിന്താങ്ങി ഐ.എം.എഫ്​ ചീഫ്​ എ​ക്കണോമിസ്​റ്റ്​ ഗീത ഗോപിനാഥ്​

ന്യൂയോർക്​: കർഷകരുടെ വരുമാനം മെച്ചപ്പെടുത്താൻ ശേഷിയുള്ളതാണ്​ ഇന്ത്യയിൽ പുതുതായി നടപ്പിൽവന്ന കാർഷിക നിയമങ്ങളെന്ന്​ അന്താരാഷ്​ട്ര നാണയ നിധി ചീഫ്​ എക്കണോമിസ്​റ്റും മലയാളിയുമായ ഗീത ഗോപിനാഥ്​.

ഇന്ത്യയിൽ കാർഷിക രംഗത്ത്​ സമൂല പരിഷ്​കാരങ്ങൾ ആവശ്യമാണെന്ന്​ ഗീത പറയുന്നു. അടിസ്​ഥാന മേഖലയിലുൾപെടെ സമഗ്ര പരിവർത്തനങ്ങൾ ഉണ്ടാകണം. ''ഈ കാർഷിക നിയമങ്ങൾ മാർക്കറ്റിങ്​ മേഖലയിലാണ്​. കർഷകർക്ക ്​വിപണി കൂടുതൽ മെച്ചപ്പെടുത്തും ഇവ. 'മണ്ടി'കൾക്ക്​ നികുതി ഒടുക്കാതെ പുറമെ വിവിധ കേന്ദ്രങ്ങളിൽ വിൽപന നടത്താൻ അവർക്ക്​ സാധ്യമാക്കുന്നു. ഇത്​ കർഷകരുടെ വരുമാനവും വർധിപ്പിക്കും''- അവർ പറയുന്നു.

ഓരോ പരിഷ്​കാരവും നടപ്പാക്കു​േമ്പാൾ മാറ്റത്തി​െൻറ പേരിൽ ചെലവുകൾ സ്വാഭാവികം. അത്​ അവശ കർഷകരെ ബാധിക്കാതെ നോക്കണം. സാമൂഹിക സുരക്ഷ വലയം ഭേദിക്കപ്പെടുകയും അരുത്​. നിലവിൽ സംവാദങ്ങൾ തുടരുകയാണ്​ ഈ മേഖലയിൽ- എന്തു സംഭവിക്കുന്നുവെന്ന്​ കാത്തിരുന്ന്​ കാണാമെന്നും കേരള മുഖ്യമന്ത്രിയുടെ മുൻ സാമ്പത്തിക ഉപദേഷ്​ടാവ്​ കൂട്ടിച്ചേർക്കുന്നു.

മോദി സർക്കാർ നടപ്പാക്കിയ പുതിയ കാർഷിക നിയമങ്ങൾ കുത്തകകളെ സഹായിക്കാനാണെന്ന്​ വ്യാപക വിമർശനം ഉയരുന്നതിനിടെയാണ്​ ഐ.എം.എഫ്​ പ്രതിനിധിയുടെ അനുകൂല പരാമർശം. പഞ്ചാബ്​, ഹരിയാന, ഉത്തർ പ്രദേശ്, രാജസ്​ഥാൻ തുടങ്ങിയ സംസ്​ഥാനങ്ങളിൽ ഇതിനെതിരെ പ്രക്ഷോഭം ശക്​തമാണ്​. കാർഷിക വിളകൾക്ക്​ താങ്ങുവില നടപ്പാക്കണം, കോടതിയെ സമീപിക്കാനുള്ള അവകാശം പുനഃസ്​ഥാപിക്കണം തുടങ്ങി മൗലിക ആവശ്യങ്ങളാണ്​ കർഷകർ ഉന്നയിക്കുന്നത്​. 11 തവണ കേന്ദ്ര സർക്കാർ പ്രതിനിധികളുമായി ചർച്ച നടന്നെങ്കിലും ഫലം കണ്ടിട്ടില്ല. ഒന്നര വർഷം വരെ നിയമം നടപ്പാക്കാതെ നിർത്തിവെക്കാമെന്ന്​ അടുത്തിടെ സർക്കാർ അറിയിച്ചിരുന്നുവെങ്കിലും സമരക്കാർ വഴങ്ങിയിട്ടില്ല. നിയമങ്ങൾ പൂർണമായി പിൻവലിക്കാത്ത ഒരു നി​ർദേശവും സ്വീകാര്യമല്ലെന്ന്​ അവർ പറയുന്നു.

41 കർഷക സംഘടനകളുടെ സമിതിയായ സംയുക്​ത കിസാൻ മോർച്ചയാണ്​ ഡൽഹി അതിർത്തികളിൽ പ്രക്ഷോഭത്തിന്​ നേതൃത്വം നൽകുന്നത്​.