ഇന്ത്യയിലെ ഏറ്റവും നീളം കൂടിയ പാലം ഉദ്​ഘാടനത്തിനൊരുങ്ങുന്നു

ഗുവാഹത്തി: ഇന്ത്യയിലെ ഏറ്റവും നീളം കൂടിയ പാലം അസമിൽ ഉദ്ഘാടനത്തിനൊരുങ്ങുന്നു.  9.15 കിലോമീറ്റർ നീളമുള്ള ധോല ^സാദിയ പാലം ബ്രഹ്മപുത്രയുടെ പോഷകനദിയായ ലോഹിത് നദിക്ക് കുറുകെയാണ് നിര്‍മ്മിച്ചത്‌. അസം തലസ്ഥാനമായ ഗുവാഹത്തിയിൽ നിന്ന് 540 കിലോമീറ്റർ അകലെ സാദിയയിലാണ് പാലം തുടങ്ങുന്നത്. അരുണാചൽ പ്രദേശി​െൻറ തലസ്ഥാനമായ ഇറ്റാനഗറിൽ നിന്ന് 300 കിലോമീറ്റർ അകലെയുള്ള ധോലയിലാണ് പാലം അവസാനിക്കുന്നത്.

നിലവില്‍ ഇന്ത്യയിലെ ഏറ്റവും വലിയ പാലമായ മുംബൈയിലെ ബാന്ദ്ര-വോര്‍ളി  കടൽപാലത്തേക്കാള്‍ 30 ശതമാനം നീളം കൂടുതലാണ് ധോല-^സാദിയ പാലത്തിന്.

ധോല-സാദിയ പാലം തുറന്നുകൊടുക്കുന്നതോടെ അസമില്‍ നിന്ന് അരുണാചലിലേക്കുള്ള യാത്രാസമയം നാല് മണിക്കൂര്‍ കുറഞ്ഞുകിട്ടും. അസമും അരുണാചലും തമ്മില്‍ ബോട്ട് വഴി മാത്രമേ യാത്രാമാര്‍ഗമുള്ളൂ. പാലം വരുന്നതോടെ ഈ പ്രശ്‌നത്തിന് അറുതിയാവും. ചൈനയുമായി അതിര്‍ത്തി പങ്കിടുന്ന അരുണാചലി​െൻറ ഭാഗങ്ങളില്‍ വേഗത്തിലും, എളുപ്പത്തിലും പ്രവേശിക്കാന്‍ സൈന്യത്തിനും ഇതുവഴി സാധിക്കും. ടാങ്കുകള്‍ക്ക് സഞ്ചരിക്കാനാവും വിധത്തിലാണ് പാലത്തി​െൻറ നിര്‍മാണം. ടാങ്കറുകൾക്ക് സഞ്ചരിക്കാൻ തക്ക ബലമുള്ള  പാലങ്ങള്‍ ഈ ഭാഗത്ത് വേറെയില്ല.

2011 ല്‍ തരുണ്‍ ഗോഗോയിയുടെ നേതൃത്വത്തിലുള്ള കോണ്‍ഗ്രസ് സര്‍ക്കാരി​െൻറ കാലത്ത് നിര്‍മ്മാണം ആരംഭിച്ച പാലം ഏകദേശം 950 കോടി രൂപ ചിലവിട്ടാണ് 13 മീറ്റര്‍ വീതിയില്‍ നിര്‍മ്മിച്ചത്. അതിര്‍ത്തി സംസ്ഥാനങ്ങളുമായി റോഡ് ബന്ധം ശക്തിപ്പെടുത്തുന്നതി​െൻറ ഭാഗമായി 2015-ല്‍ 15,000 കോടി രൂപയുടെ പാക്കേജാണ് കേന്ദ്രം പാലത്തിനായി അനുവദിച്ചത്.