രാജ്യത്ത്​ കോവിഡ്​ ബാധിതരുടെ എണ്ണം 55 ലക്ഷത്തിലേക്ക്​; 24 മണിക്കൂറിനി​െട 86,961പുതിയ രോഗികൾ

ന്യൂഡൽഹി: രാജ്യത്ത്​ 24 മണിക്കൂറിനിടെ 86,961പേർക്ക്​ കൂടി കോവിഡ്​ സ്ഥിരീകരിച്ചതായി കേന്ദ്ര ആരോഗ്യ കുടുംബക്ഷേമ മന്ത്രാലയം. ഇതോടെ ഇന്ത്യയിലെ കോവിഡ്​ ബാധിതരു​െട എണ്ണം 54,87,581 ആയി.

കഴിഞ്ഞ ദിവസം 1130 കോവിഡ്​ മരണമാണ്​ റിപ്പോർട്ട്​ ചെയ്​തത്​. ഔദ്യോഗിക കണക്ക്​ പ്രകാരം ഇതുവരെ 87,882 പേരാണ്​ കോവിഡ്​ ബാധിച്ച്​ മരിച്ചത്​. മരണനിരക്ക്​ 1.61 ശതമാനമായി കുറഞ്ഞുവെന്നാണ്​ ആരോഗ്യമന്ത്രാലയം അറിയിച്ചത്​്.

രാജ്യത്ത്​ നിലവിൽ 10.03 ലക്ഷം കോവിഡ്​ ബാധിതർ ചികിത്സയിലുണ്ട്​. 43,96,399 പേർ രോഗമുക്തി നേടി. രോഗമുക്തി നിരക്കിൽ ഇന്ത്യ ഒന്നാംസ്ഥാനത്താണ്​. 79.68 ശതമാനമാണ്​ ഇന്ത്യയിലെ കോവിഡ് രോഗമുക്തി നിരക്ക്​.

ഇന്ത്യയിൽ 6.50 കോടി കോവിഡ്​ പരിശോധനകളാണ്​ ഇതുവരെ നടത്തിയത്​. സെപ്​തംബർ 20ന്​ 7,31,534 സാമ്പിളുകൾ പരിശോധിച്ചതായും ഐ.സി.എം.ആർ അറിയിച്ചു.