Begin typing your search above and press return to search.
exit_to_app
exit_to_app
Adar Poonawalla
cancel
Homechevron_rightNewschevron_rightIndiachevron_rightകോവിഡ്​ വാക്​സിൻ...

കോവിഡ്​ വാക്​സിൻ ക്ഷാമം ജ​ൂലൈ വരെ തുടരു​ം; ഉൽപാദനം വർധിപ്പിക്കുമെന്ന്​ സിറം ഇൻസ്​റ്റിറ്റ്യൂട്ട്​

text_fields
bookmark_border

ന്യൂഡൽഹി: രാജ്യത്ത്​ കോവിഡ്​ പ്രതിരോധ വാക്​സിൻ ക്ഷാമം ജൂലൈ വരെ തുടരുമെന്ന്​ സെറം ഇൻസ്റ്റിറ്റ്യൂട്ട്​ തലവൻ അദാർ പൂനവാല. ജൂലൈ വരെ വാക്​സിൻ ക്ഷാമം അനുഭവപ്പെടു​ം. ജൂലൈയോടെ വാക്​സിൻ ഉൽപ്പാദനം വർധിപ്പിക്കാനാകുമെന്നാണ്​ വിലയിരുത്തലെന്നും അദാർ പൂനവാല പറഞ്ഞതായി ഫിനാൻഷ്യൽ ടൈംസ്​ റി​േപ്പാർട്ട്​ ചെയ്​തു.

നിലവിൽ 60 മുതൽ 70 മില്ല്യൺ വരെയാണ്​ ഉൽപാദനം. ജൂലൈയിൽ ഉൽപാദനം 100 മില്ല്യനായി ഉയർത്തും. രാജ്യത്ത്​ 18 വയസിന്​ മുകളിലുള്ളവർക്ക്​ വാക്​സിൻ വിതരണം ആരംഭിച്ചതിന്​ പിന്നാലെയായിരുന്നു അദാർ പൂനവാലയുടെ പ്രതികരണം.

​രാജ്യത്ത്​ കൊറോണ വൈറസിന്‍റെ രണ്ടാംതരംഗം ജനുവരിയിൽ ആരംഭിക്കുമെന്ന്​ അധികൃതർ കരുതിയിരുന്നില്ല. വ്യാപനം കുറഞ്ഞുവെന്നായിരുന്നു വിലയിരുത്തൽ. എന്നാൽ കണക്കുകൂട്ടലുകൾ തെറ്റിച്ച്​ കോവിഡ്​ വ്യാപനം രൂക്ഷമാകുകയായിരുന്നു. ഓർഡറുകൾ ലഭിച്ചതോടെ വാക്​സിൻ ഉൽപാദനം വേഗത്തിലായിരുന്നു.

വാക്​സിന്​ ഓർഡറുകളൊന്നുമുണ്ടായിരുന്നില്ല. അതിനാൽ പ്രതിവർഷം ഒരു ബില്ല്യൺ ഡോസ്​ വാക്​സിൻ വേണ്ടിവരുമെന്ന്​ ഞങ്ങൾ കരുതിയിരുന്നില്ല -അദാർ പൂനവാല പറഞ്ഞു.

ആസ്​ട്രസെനകയും ഓക്​സ്​ഫഡ്​ സർവകലാശാലയും വികസിപ്പിച്ചെടുത്ത കോവിഷീൽഡ്​ വാക്​സിൻ ഉൽപാദിപ്പിക്കുന്നത്​ സെറം ഇൻസ്റ്റിറ്റ്യൂട്ടാണ്​. ​ഇന്ത്യയിൽനിന്ന്​ കോവിഷീൽഡ്​ വാക്​സിൻ നിരവധി രാജ്യങ്ങളിലേക്ക്​ കയറ്റി അയക്കുകയും ചെയ്​തിരുന്നു.

രാജ്യത്ത്​ മേയ്​ ഒന്നുമുതൽ 18 വയസിന്​ മുകളിലുള്ളവർക്ക്​ കോവിഡ്​ വാക്​സിൻ വിതരണം ആരംഭിച്ചിരുന്നു. വാക്​സിൻ ക്ഷാമം മുതൽ മിക്ക സംസ്​ഥാനങ്ങൾക്കും വിതരണം ആരംഭിക്കാൻ കഴിഞ്ഞിട്ടില്ല. വാക്​സിന്‍റെ വില നിർണയവുമായി ബന്ധപ്പെട്ട്​ നിരവധി വിവാദങ്ങളും ഉടലെടുത്തിരുന്നു.

Show Full Article
TAGS:Covid Vaccine Serum Institute Adar Poonawalla 
News Summary - Indias Covid-19 vaccine shortage will continue till July Serum Institute's Adar Poonawalla
Next Story