കോവിഡ്​: പാകിസ്​താനിൽ കുടുങ്ങിയ 300 ഇന്ത്യക്കാർ നാട്ടിലേക്ക്​

ഇസ്​ലാമാബാദ്​: കോവിഡ്​-19 മൂലം പാകിസ്​താനിൽ കുടുങ്ങിയ 300 ഓളം ഇന്ത്യക്കാരെ തിരിച്ചെത്തിക്കും. ഇവർക്ക്​ നാട്ടിലേക്ക്​ മടങ്ങാൻ സർക്കാരി​​െൻറ അനുമതി ലഭിച്ചതായി ഹിന്ദുസ്​ഥാൻ ടൈംസ്​ റിപ്പോർട്ട്​ ചെയ്​തു. ശനിയാഴ്​ച അത്താരി-വാഗ അതിർത്തി വഴി ഇവർ ഇന്ത്യയിലെത്തുമെന്നാണ്​ റിപ്പോർട്ട്​. 

ലാഹോറിൽ പഠിക്കുന്ന ജമ്മുകശ്​മീരിൽ നിന്നുള്ള 80വിദ്യാർഥികളും ബന്ധുക്കളെ കാണാൻ പോയ 12 നങ്കാന സാഹിബുമാരും സംഘത്തിലുണ്ട്​. പാകിസ്​താ​​െൻറ വിവിധ ഭാഗങ്ങളിൽ താമസിക്കുന്നവരാണ്​ മറ്റുള്ളവർ. വെള്ളിയാഴ്​ച അർധരാത്രിയോടെ ഇവരെ മടക്കി അയക്കാനുള്ള നടപടികൾ പാകിസ്​താൻ പൂർത്തിയാക്കി. 

ലോക്​ഡൗൺ പ്രഖ്യാപിച്ചതോടെ ഇന്ത്യയിൽ കുടുങ്ങിയ 176 പാക്​പൗരൻമാർ  അത്താരി-വാഗ അതിർത്തി വഴി ബുധനാഴ്​ച നാട്ടിലേക്ക്​ മടങ്ങിയിരുന്നു. ഇതിൽ ഭൂരിഭാഗം പേരും തീർഥാടനത്തിനാണ്​ ഇന്ത്യയിലെത്തിയത്​.