റഷ്യയിൽ നാല് ഇന്ത്യൻ വിദ്യാർഥികൾ നദിയിൽ മുങ്ങിമരിച്ചു; ഒരാളെ രക്ഷപ്പെടുത്തി

സെന്റ് പീറ്റേഴ്സ് ബർഗ്: ഒരു സംഘം ഇന്ത്യൻ വിദ്യാർഥികൾ ​റഷ്യയിലെ സെന്റ് പീറ്റേഴ്സ് ബർഗിനടുത്തുള്ള നദിയിൽ ശക്തമായ ഒഴുക്കിൽ പെട്ടു. നാല് പേർ മരിച്ചു. ഒരാളെ ജീവനോടെ രക്ഷപ്പെടുത്തിയെന്നും മരിച്ചവരിൽ ഒരാളുടെ മൃതദേഹം രക്ഷാപ്രവർത്തകർ കണ്ടെത്തിയെന്നും റി​പ്പോർട്ടുകൾ പറയുന്നു.

അപകടം ശ്രദ്ധയി​ൽപ്പെട്ട സ്ഥലത്തുണ്ടായിരുന്നവർ ഇവരെ രക്ഷിക്കാൻ ശ്രമിച്ചെങ്കിലും ഒരു പെൺകുട്ടിയും മൂന്ന് ആൺകുട്ടികളും മരിച്ചതായാണ് വിവരം. ഒഴുക്കി​ൽപ്പെട്ട മറ്റ് മൂന്ന് പേർക്കായി തിരച്ചിൽ തുടരുകയാണ്. കൂടുതൽ വിവരങ്ങൾ ലഭ്യമായിട്ടില്ല.

നോവ്ഗൊറോഡ് മെഡിക്കൽ ഇൻസ്റ്റിറ്റ്യൂട്ടിലെ വിദ്യാർഥികളാണ് മരിച്ചത്. 18 നും 20 നും ഇടയിൽ പ്രായമുള്ളവരായിരുന്നു. നോവ്​ഗൊറോഡിലെ വോൾഗോവ് നദിയിൽ നീന്തുന്നതിനിടെയാണ് ദുരന്തം.