വാക്​സിൻ ഇടവേള വർധിപ്പിക്കാനുള്ള കേന്ദ്രസർക്കാർ തീരുമാനത്തെ പിന്തുണച്ചിട്ടില്ലെന്ന്​ ഇന്ത്യൻ ശാസ്​ത്രജ്ഞർ

ന്യൂഡൽഹി: കോവിഷീൽഡ്​ വാക്​സി​െൻറ രണ്ട്​ ഡോസുകൾക്കിടയിലെ ഇടവേള വർധിപ്പിക്കാനുള്ള തീരുമാനത്തെ പിന്തുണച്ചിട്ടില്ലെന്ന്​ ഇന്ത്യൻ ശാസ്​ത്രസംഘം. ദേശീയ സാ​ങ്കേതിക ഉപദേശക സമിതിയിലെ അംഗങ്ങളാണ്​ ഇക്കാര്യം അറിയിച്ചത്​. വാക്​സിൻ ഇടവേള ആറ്​ മുതൽ എട്ട്​ ആഴ്​ചയിൽ നിന്ന്​ 12 മുതൽ 16 ആഴ്​ചയാക്കി വർധിപ്പിക്കാനായിരുന്നു തീരുമാനം.

എട്ട്​ മുതൽ 12 ആഴ്​ച വരെയാക്കി വാക്​സിൻ ഇടവേള വർധിപ്പിക്കുന്നതിനാണ്​ അംഗീകാരം നൽകിയതെന്ന്​ ഉപദേശക സമിതി അംഗം എം.ഡി ഗുപ്​ത പറഞ്ഞു. ഇത്​ ലോകാരോഗ്യസംഘടന അംഗീകരിച്ചതാണ്​. എന്നാൽ, വാക്​സിൻ ഇടവേള 12 ആഴ്​ചയിൽ കൂടുതലായാണ്​ സർക്കാർ വർധിപ്പിച്ചത്​. ഇതുമായി ബന്ധപ്പെട്ട്​ കാര്യമായ പഠനങ്ങൾ നടന്നിട്ടില്ലെന്നും ഉപദേശക സമിതി വ്യക്​തമാക്കുന്നു.

വാക്​സിൻ ക്ഷാമം മൂലമല്ല ഇടവേള വർധിപ്പിച്ചതെന്നും ശാസ്​ത്രീയ പരിശോധനകൾക്ക്​ ശേഷമാണ്​ തീരുമാനമെടുത്തതെന്നും കേന്ദ്രസർക്കാർ വ്യക്​തമാക്കിയിരുന്നു. ഇതിന്​ പിന്നാലെയാണ്​ ദേശീയ സാ​​ങ്കേതിക ഉപദേശക സമിതിയിലെ ശാസ്​ത്രജ്ഞരുടെ പ്രതികരണം. അതേസമയം, വാക്​സിൻ ഇ​ടവേള കുറക്കുന്നത്​ ഫലപ്രാപ്​തി വർധിപ്പിക്കുമെന്നും പ്രായം കുടിയവർക്കെങ്കിലും കുറഞ്ഞ ഇടവേളയിൽ വാക്​സിൻ നൽകണമെന്ന്​ ഒരു വിഭാഗം ശാസ്​ത്രജ്ഞർ ആവശ്യപ്പെട്ടിട്ടുണ്ട്​.