കല്ലെറിയുന്നവരെ പിടികൂടും; വന്ദേ ഭാരത്​ എക്​സ്​പ്രസിൽ കാമറകൾ

ന്യൂഡൽഹി: വന്ദേ ഭാരത്​ എകസ്​പ്രസിനെ കല്ലെറിയുന്നവരെ കണ്ടെത്തുന്നതിനായി കാമറകൾ സ്ഥാപിക്കുന്നു. ട്രെയിൻ സർവീ സ്​ തുടങ്ങിയതിന്​ പിന്നാലെ നിരവധി തവണ കല്ലെറിയുന്ന സംഭവമുണ്ടായിരുന്നു. ഇതേ തുടർന്ന്​ നാല്​ കാമറകളാണ്​ ട്രെയി നിൽ സ്ഥാപിക്കുന്നത്​​.

കല്ലേറിൽ തകർന്നതിനെ തുടർന്ന്​ ഇതുവരെ ട്രെയിനിൻെറ 12 വിൻഡോ ഗ്ലാസുകൾ മാറ്റിയിരുന്നു. മാർച്ച്​ 17നാണ്​ അവസാനമായി ട്രെയിനിന്​ നേരെ കല്ലേറുണ്ടായത്​. കാമറകൾ സ്ഥാപിച്ചാൽ ഏത്​ സ്ഥലത്ത്​ നിന്നാണ്​ ട്രെയിനിന്​ നേരെ കല്ലേറുണ്ടായതെന്ന്​ മനസിലാക്കാൻ സാധിക്കുമെന്ന്​ ആർ.പി.എഫ്​ ഡയറക്​ടർ വ്യക്​തമാക്കി.

പ്രധാനമന്ത്രി ​നരേന്ദ്രമോദിയാണ്​ ഡൽഹിക്കും വാരണാസിക്കും ഇടയിൽ സർവീസ്​ നടത്തുന്ന വന്ദേഭാരത്​ എക്​സ്​പ്രസിൻെറ ഫ്ലാഗ്​ ഓഫ്​ നിർവഹിച്ചത്​. ഫെബ്രുവരി 15നായിരുന്നു ഫ്ലാഗ്​ ഓഫ്​.