Begin typing your search above and press return to search.
proflie-avatar
Login
exit_to_app
exit_to_app
Homechevron_rightNewschevron_rightIndiachevron_rightചരിത്രത്തിലാദ്യമായി...

ചരിത്രത്തിലാദ്യമായി 100 ശതമാനം സമയനിഷ്​ഠ; റെക്കോർഡിട്ട്​ റെയിൽവേ

text_fields
bookmark_border
ചരിത്രത്തിലാദ്യമായി 100 ശതമാനം സമയനിഷ്​ഠ; റെക്കോർഡിട്ട്​ റെയിൽവേ
cancel

ന്യൂഡൽഹി: 100 ശതമാനം സമയനിഷ്​ഠ കൈവരിച്ച്​ ചരിത്രം സൃഷ്​ടിച്ചിരിക്കുകയാണ്​ ഇന്ത്യൻ റെയിൽവേ. യാത്രക്കാരുമായി പോയ ട്രെയിനുകൾ എല്ലാം തന്നെ കൃത്യസമയത്ത്​ ലക്ഷ്യസ്ഥാനത്ത്​ എത്തിയതോടെയാണ് ജൂലൈ ഒന്നിന്​​ പുതിയ റെക്കോർഡ്​ സൃഷ്​ടിച്ചത്​. ഒരു പാസഞ്ചർ ട്രെയിനുകളും പുറപ്പെടലിലും വരവിലും സമയംതെറ്റിച്ചില്ല. അതേസമയം, തിരക്കൊഴിഞ്ഞ ട്രാക്കുകൾ കാരണമാണ്​ റെയിൽവേക്ക്​ നേട്ടം സ്വന്തമാക്കാൻ സാധിച്ചത്​. ലോക്​ഡൗണിനെ തുടർന്ന്​ മൊത്തം ട്രെയിനുകളിൽ രണ്ട്​ ശതമാനത്തിലും താഴെ മാത്രമാണ്​ ട്രാക്കുകളിൽ ഒാടുന്നത്​. 

എങ്കിലും ഇന്ത്യയുടെ ചരിത്രത്തിലെ ആദ്യത്തെ സംഭവമെന്ന നിലയിൽ സന്തോഷം പങ്കുവെച്ചിരിക്കുകയാണ്​ റെയിൽവേ മന്ത്രി പിയൂഷ്​ ഗോയലും ഇന്ത്യൻ റെയിൽവേയും. ‘ഫാസ്റ്റ്​ ലൈനിലെ ട്രെയിനുകൾ ഞെട്ടിക്കുന്ന നിലവാരത്തിലേക്ക്​ അവരുടെ സേവനങ്ങൾ മെച്ചപ്പെടുത്തിയതോടെ ഇന്ത്യൻ റെയിൽവേ ജൂലൈ ഒന്നിന്​ 100 ശതമാനം സമയനിഷ്​ഠ പാലിച്ച്​ പുതിയ റെക്കോർഡ്​ കുറിച്ചു’. -മന്ത്രി പിയൂഷ്​ ഗോയൽ ട്വിറ്ററിൽ കുറിച്ചു.

റെയിൽവേയുടെ കണക്കുകൾ അനുസരിച്ച്​ ജൂൺ 23ന്​ 99.5 ശതമാനം സമയനിഷ്ഠത പാലിച്ചതാണ്​ ഇതിനുമുമ്പത്തെ റെക്കോർഡ്​. അന്ന്​ ഒരു ട്രെയിൻ വൈകിയോടിയിരുന്നു. ആഗസ്​ത്​ 12 വരെയുള്ള എല്ലാ ലോകൽ ട്രെയിനുകളും റെയിൽവേ റദ്ദാക്കിയിട്ടുണ്ട്​. നിലവിൽ ഒാടുന്ന 230 പ്രത്യേക ട്രെയിനുകൾ നിർബന്ധമായും 100 ശതമാനം കൃത്യനിഷ്​ഠത പാലിക്കണമെന്ന്​ അധികൃതർ പ്രത്യേക അറിയിപ്പ്​ നൽകിയിട്ടുണ്ട്​.

ഇപ്പോൾ ഒാടുന്ന ട്രെയിനുകളുടെ എണ്ണം രാജ്യത്തെ ആകെ ട്രെയിനുകളുടെ രണ്ട്​ ശതമാനം മാത്രമാണ്​. അതുകൊണ്ട്​ തന്നെ എല്ലാ ട്രെയിനുകളും കൃത്യസമയത്ത്​ ലക്ഷ്യസ്ഥാനത്തെത്താൻ നിർദേശം നൽകുകയായിരുന്നു. 30,000കോടിയുടെ സ്വകാര്യ നിക്ഷേപത്തിന്​ തയാറെടുക്കുന്ന റെയിൽവേക്ക്​ പുതിയ നേട്ടം ഗുണം ചെയ്യുമെന്നാണ്​ റിപ്പോർട്ട്​. 

Show Full Article
Girl in a jacket

Don't miss the exclusive news, Stay updated

Subscribe to our Newsletter

By subscribing you agree to our Terms & Conditions.

Thank You!

Your subscription means a lot to us

Still haven't registered? Click here to Register

TAGS:indian railwayIndian Railways
News Summary - Indian Railways claims 100 per cent punctuality
Next Story