അതിർത്തിയിൽ ദീപാവലി മധുരം പങ്കിട്ട് ഇന്ത്യാ-പാക്​ സൈനികർ

ന്യൂഡൽഹി: അതിർത്തിയിൽ ദീപാവലി മധുരം പങ്കിട്ട് ഇന്ത്യാ-പാക് സൈനികർ. നിയന്ത്രണ രേഖയ്ക്ക് സമീപം തിത്തൽ പാലത്തിൽ വെച്ചാണ് ഇരു രാജ്യത്തിന്‍റെയും സൈനികർ പരസ്​പരം മധുര കൈമാറ്റം നടത്തിയതെന്ന് എ.എൻ.ഐ റിപ്പോർട്ട് ചെയ്​തു. ഇതിന്​ പുറമെ മറ്റ്​ അതിർത്തികളിലും ദീപാവലി മധുര കൈമാറ്റം നടന്നു.

ഗുജറാത്തിലെ ഇന്ത്യാ - പാക് അതിർത്തിയിലും വാഗാ അതിർത്തിയിലും രാജസ്ഥാനിലെ ബാർമെർ മേഖലയിലും ഇരു സൈനികരും മധുര കൈമാറ്റം നടത്തി. ഇന്ത്യ- ബംഗ്ലാദേശ് അതിർത്തിയിലും ഇരുവിഭാഗ സൈന്യങ്ങൾ മധുരം കൈമാറി.ഈദ്, ഹോളി, ആഘോഷ വേളകളിലും ഇത്തരത്തിൽ മധുര വിതരണം പരസ്​പരം നടത്താറുണ്ട്.