വിവിധ കടൽക്കൊള്ള ഓപറേഷനുകളിലൂടെ നൂറിലേറെ പേരെ രക്ഷപ്പെടുത്തിയതായി ഇന്ത്യൻ നാവികസേന

ഡൽഹി: വിവിധ കടൽക്കൊള്ള വിരുദ്ധ ഓപറേഷനുകളിൽ പാകിസ്ഥാനിൽ നിന്നുള്ള 27 പേരെയും ഇറാനിൽ നിന്നുള്ള 30 പേരേയുമടക്കം നൂറിലധികംപേരെ രക്ഷപ്പെടുത്തിയതായി ഇന്ത്യൻ നാവികസേന വാർത്താസമ്മേളനത്തിൽ അറിയിച്ചു.

അറബിക്കടലിൽ സുരക്ഷ വർധിപ്പിക്കുന്നതിന്റെ ഭാഗമായി 10 യുദ്ധക്കപ്പലുകൾ, പി-8ഐ നിരീക്ഷണ വിമാനം, സീ ഗാർഡിയൻ ഡ്രോണുകളും വിന്യസിച്ചിട്ടുണ്ട്. അറബിക്കടലിലെ കടൽക്കൊള്ള വിരുദ്ധ ഓപ്പറേഷൻ അവസാനിപ്പിച്ചതിന് പിന്നാലെയാണ് ഇന്ത്യൻ നാവികസേനയുടെ വാർത്താസമ്മേളനം.

ഇന്ത്യൻ നാവികസേനാ പിടികൂടിയ 35 സൊമാലിയൻ കടൽക്കൊള്ളക്കാരെ ഇന്ന് രാവിലെ മുംബൈയിലെത്തിച്ച് പൊലീസിന് കൈമാറിയിരുന്നു.