എത്യോപ്യയിൽ ഏഴു ഇന്ത്യക്കാരെ ബന്ദികളാക്കിയതായി പരാതി

മുംബൈ: എത്യോപ്യയിൽ സാമ്പത്തിക പ്രതിസന്ധിയിലായ ഇൻഫ്രാസ്​ട്രക്​ച്ചർ ലീസിങ്​ ആൻറ്​ ഫിനാൻഷ്യൽ കമ്പനിയിലെ ഏഴ്​ ഇന്ത്യൻ ജീവനക്കാരെ സ്വദേശികളായ ജീവനക്കാർ ബന്ദികളാക്കിയതായി പരാതി. ശമ്പളം പൂർണമായി ലഭിക്കാത്തതിനാലാണ്​ തദ്ദേശീയരായ ജീവനക്കാർ ഇന്ത്യക്കാരെ ബന്ദികളാക്കിയത്​. നവംബർ 24 മുതലാണ്​ ഇന്ത്യക്കാരെ തടഞ്ഞുവെച്ച്​ പ്രതിഷേധം കനപ്പിച്ചത്​.

നീരജ്​ രഘുവാൻഷി, നാഗരാജു ബിഷ്​ണു, സുഖ്​വീന്ദർ സിങ്​, ഖുറാം ഇമാം, ചൈതന്യ ഹരി, ഭാസ്​കർ റെഡ്​ഢി, ഹരീഷ്​ ബണ്ഡി എന്നിവരാണ്​ ബന്ദികളാക്ക​പ്പെട്ടിരിക്കുന്നത്​. ഇവർ ​െഎ.എൽ ആൻറ്​ എഫ്​.എസി​​​െൻറ സംയുക്ത സംരംഭമായ ട്രാൻസ്​​േപാർട്ട്​ നെറ്റ്​വർക് കമ്പനിയിലെ ജീവനക്കാരാണ്​.
എത്യോപ്യയിലെ ഒറോമിയയി​െല മൂന്നു സ്ഥലങ്ങളിലും അംഹാര പ്രവിശ്യയിലുമായാണ്​ ഇവരെ തടഞ്ഞുവെച്ചിരിക്കുന്നത്​. സംഭവത്തെ കുറിച്ച്​ അന്വേഷണം നടത്തുന്നതായി വിദേശകാര്യമന്ത്രാലയം അറിയിച്ചു.

കമ്പനി ഇന്ത്യൻ-സ്​പാനിഷ്​ സംരംഭമായി ചെയ്യാനിരുന്ന റോഡ്​ നിർമാണ പദ്ധതികൾ റദ്ദാക്കിയതാണ്​ സ്വദേശികളായ ജീവനക്കാരെ ചൊടിപ്പിച്ചത്​.
തങ്ങളുടെ മോചിപ്പിക്കാൻ ഇന്ത്യൻ സർക്കാർ മുന്നോട്ടുവരണമെന്നാവശ്യപ്പെട്ട്​ ബന്ദിയാക്കപ്പെട്ട ​ൈചതന്യ ഹരി എന്നയാൾ പ്രധാനമന്ത്രി നരേന്ദ്രമോദി, രാഷ്​ട്രപതി ഭവൻ, വിദേശകാര്യമന്ത്രി സുഷമ സ്വരാജ്​ എന്നിവർക്ക്​ ട്വിറ്റർ സന്ദേശം അയച്ചു. എന്നാൽ ഇൗ വാർത്ത സംബന്ധിച്ച്​ വിദേശകാര്യമന്ത്രാലയം പ്രതികരിച്ചിട്ടില്ല.