തീരദേശസേനയുടെ പര്യവേക്ഷണ യാനത്തിന് തീപിടിച്ചു

മംഗളൂരു: തീരദേശ സേനയുടെ പര്യവേക്ഷണ യാനമായ സാഗർ സംബാദയ്ക്ക് തീ പിടിച്ചു. മംഗളൂരു തീരത്തുവെച്ച് വെള്ളിയാഴ്ച അർ ധ രാത്രിയിലായിരുന്നു അപകടം.

30 ജീവനക്കാരും 16 ശാസ്ത്രജ്ഞരും സാഗർ സംബാദയിൽ ഉണ്ടായിരുന്നു. ഐ.സി.ജി.എസ് വിക്രം, ഐ.സി.ജി.എസ് ഷൂർ എന്നീ തീരദേശ സേനയുടെ കപ്പലുകളുടെ പരിശ്രമത്തിൽ തീ അണച്ചു.

അപകടത്തിലായ യാനത്തെ മംഗളൂരു തുറമുഖത്തേക്ക് മാറ്റി. മറൈൻ ബയോളജിയിലും മത്സ്യബന്ധനത്തിനും പര്യവേക്ഷണം നടത്തുന്ന കപ്പലാണ് സാഗർ സംബാദ.