വ്യോമസേനക്ക് കരുത്തേകാൻ സി295

സെ​വി​യ: വി​മാ​ന​നി​ർ​മാ​താ​ക്ക​ളാ​യ എ​യ​ർ ബ​സ് ഇ​ന്ത്യ​ൻ വ്യോ​മ​സേ​ന​ക്ക് നി​ർ​മി​ച്ച ആ​ദ്യ സി295 ​ട്രാ​ൻ​സ്​​പോ​ർ​ട്ട് വി​മാ​നം കൈ​മാ​റി. സ്​​പെ​യി​നി​ലെ സെ​വി​യ ന​ഗ​ര​ത്തി​ൽ ന​ട​ന്ന ച​ട​ങ്ങി​ൽ എ​യ​ർ ചീ​ഫ് മാ​ർ​ഷ​ൽ വി.​ആ​ർ. ചൗ​ധ​രി വി​മാ​നം ഏ​റ്റു​വാ​ങ്ങി. പ്ര​ത്യേ​ക ദൗ​ത്യ​ങ്ങ​ൾ​ക്കും ദു​ര​ന്ത​ബാ​ധി​ത മേ​ഖ​ല​ക​ളി​ലും ഈ ​വി​മാ​നം ഉ​പ​യോ​ഗി​ക്കാം. ച​ര​ക്കു​നീ​ക്ക​ങ്ങ​ൾ​ക്കും ഫ​ല​പ്ര​ദ​മാ​കും. 60 വ​ർ​ഷ​മാ​യി ഉ​പ​യോ​ഗി​ക്കു​ന്ന ആ​വ്റോ 748 വി​മാ​ന​ങ്ങ​ൾ​ക്ക് പ​ക​ര​മാ​ണ് വ്യോ​മ​സേ​ന സി295 ​വി​മാ​ന​ങ്ങ​ൾ വാ​ങ്ങു​ന്ന​ത്. നി​ല​വി​ൽ വ്യോ​മ​സേ​ന​യു​ടെ ഭാ​ഗ​മാ​യ വ​ലി​യ വി​മാ​ന​ങ്ങ​ൾ​ക്ക് എ​ത്തി​ച്ചേ​രാ​ൻ ക​ഴി​യാ​ത്ത ത​ന്ത്ര​പ്ര​ധാ​ന മേ​ഖ​ല​ക​ളി​ലേ​ക്ക് പ​റ​ക്കാ​ൻ സി295 ​വി​മാ​ന​ങ്ങ​ൾ​ക്ക് സാ​ധി​ക്കും. 71 പേ​ർ​ക്ക് ഇ​തി​ൽ യാ​ത്ര​ചെ​യ്യാം.

വ്യോ​മ​സേ​ന​യെ ന​വീ​ക​രി​ക്കാ​നു​ള്ള പ​ദ്ധ​തി​യു​ടെ ഭാ​ഗ​മാ​യി എ​യ​ർ ബ​സു​മാ​യി ര​ണ്ടു വ​ർ​ഷം മു​മ്പാ​ണ് 56 സി295 ​വി​മാ​ന​ങ്ങ​ൾ വാ​ങ്ങാ​നു​ള്ള 21,935 കോ​ടി​യു​ടെ ക​രാ​റി​ൽ ഇ​ന്ത്യ ഒ​പ്പു​വെ​ച്ച​ത്. ഇ​തി​ന്റെ ഭാ​ഗ​മാ​യു​ള്ള ആ​ദ്യ ട്രാ​ൻ​സ്​​പോ​ർ​ട്ട് വി​മാ​ന​മാ​ണ് ബു​ധ​നാ​ഴ്ച കൈ​മാ​റി​യ​ത്. വ്യോ​മ​സേ​ന​യു​ടെ ആ​റു പൈ​ല​റ്റു​മാ​ർ​ക്കും 20 സാ​​ങ്കേ​തി​ക വി​ദ​ഗ്ധ​ർ​ക്കും എ​യ​ർ ബ​സ് സ്​​പെ​യി​നി​ൽ പ​രി​ശീ​ല​നം ന​ൽ​കി​യി​രു​ന്നു.

ക​രാ​ർ​പ്ര​കാ​രം 2025ഓ​ടെ പൂ​ർ​ണ​സ​ജ്ജ​മാ​യ 16 വി​മാ​ന​ങ്ങ​ൾ എ​യ​ർ​ബ​സ് വ്യോ​മ​സേ​ന​ക്ക് കൈ​മാ​റും. ബാ​ക്കി 40 വി​മാ​ന​ങ്ങ​ൾ എ​യ​ർ​ബ​സു​മാ​യി സ​ഹ​ക​രി​ച്ച് ഇ​ന്ത്യ​യി​ലെ ടാ​റ്റ അ​ഡ്വാ​ൻ​സ്ഡ് സി​സ്റ്റം​സ് (ടി.​എ.​എ​സ്.​എ​ൽ) നി​ർ​മി​ക്കും. ഇ​താ​ദ്യ​മാ​യാ​ണ് ഇ​ന്ത്യ​യി​ലെ സ്വ​കാ​ര്യ ക​മ്പ​നി വ്യോ​മ​സേ​ന​യു​ടെ വി​മാ​ന​ങ്ങ​ൾ നി​ർ​മി​ക്കു​ന്ന​ത്. ഇ​തി​നാ​യി ഗു​ജ​റാ​ത്തി​ലെ വ​ദോ​ദ​ര​യി​ൽ തു​ട​ങ്ങു​ന്ന ഫാ​ക്ട​റി​യു​ടെ ശി​ലാ​സ്ഥാ​പ​നം ക​ഴി​ഞ്ഞ​വ​ർ​ഷം പ്ര​ധാ​ന​മ​ന്ത്രി ന​രേ​ന്ദ്ര മോ​ദി നി​ർ​വ​ഹി​ച്ചി​രു​ന്നു.