ഇന്ത്യൻ 2 ലൊക്കേഷൻ അപകടം; ഒരാൾ അറസ്റ്റിൽ

ചെന്നൈ: കമൽ ഹാസൻ നായകനായ ഇന്ത്യന്‍ 2 എന്ന സിനിമയുടെ ഷൂട്ടിങ് ലൊക്കേഷനിലുണ്ടായ അപകടവുമായി ബന്ധപ്പെട്ട് ഒരാളെ അറസ്റ്റ്​ ചെയ്​തു. ക്രെയിന്‍ ഓപ്പറേറ്റര്‍ രാജനാണ് അറസ്റ്റിലായത്. ജാഗ്രതക്കുറവ് കാരണം അപകടമുണ്ടാക്കി എന്ന കാരണത്തിലാണ് അറസ്റ്റ്. മനപ്പൂര്‍വമല്ലാത്ത നരഹത്യയ്ക്കാണ് കേസെടുത്തിട്ടുള്ളത്.

ബുധനാഴ്​ച രാത്രി ഒന്‍പതരയോടെയായിരുന്നു ലൊക്കേഷനിലെ ക്രെയിന്‍ മറിഞ്ഞ് മൂന്ന് പേര്‍ മരിച്ചത്. മരിച്ചവരുടെ കുടുംബത്തിന് ഒരു കോടി രൂപ സഹായധനം നല്‍കുമെന്ന് നടന്‍ കമല്‍ഹാസന്‍ ഇന്ന്​ പറഞ്ഞിരുന്നു.