Top
Begin typing your search above and press return to search.
keyboard_arrow_down
Login
exit_to_app
exit_to_app
Homechevron_rightNewschevron_rightIndiachevron_rightഇന്ത്യയിൽ ലഭിക്കുന്ന...

ഇന്ത്യയിൽ ലഭിക്കുന്ന ജനപിന്തുണ വാട്​സ്​ആപ്പ്​ ചൂഷണം​ ചെയ്യുന്നില്ലെന്ന്​ കോമ്പറ്റീഷൻ കമ്മീഷൻ ഒാഫ്​ ഇന്ത്യ; കേസ്​ തള്ളി

text_fields
bookmark_border
ഇന്ത്യയിൽ ലഭിക്കുന്ന ജനപിന്തുണ വാട്​സ്​ആപ്പ്​ ചൂഷണം​ ചെയ്യുന്നില്ലെന്ന്​ കോമ്പറ്റീഷൻ കമ്മീഷൻ ഒാഫ്​ ഇന്ത്യ; കേസ്​ തള്ളി
cancel

ന്യൂഡൽഹി: ഫേസ്​ബുക്കി​െൻറ ഉടമസ്ഥതയിലുള്ള മെസ്സേജിങ്​ ആപ്പായ വാട്​സ്​ആപ്പിനെതിരെ വന്ന വിശ്വാസ വഞ്ചന​ കേസ് ​കോമ്പറ്റീഷൻ കമ്മീഷൻ ഓഫ് ഇന്ത്യ (സി.സി.ഐ) തള്ളി. ഇന്ത്യയിലെ ഡിജിറ്റൽ പേയ്​മൻറ്​ മാർക്കറ്റിൽ വലിയ സ്ഥാനം നേടിയെടുക്കാനായി ആപ്പിന്​ രാജ്യത്തുള്ള വലിയ ജനപിന്തുണ ചൂഷണം ചെയ്യുന്നുണ്ടെന്നായിരുന്നു ആരോപണം.

വാട്​സ്​ആപ്പ്​ അവരുടെ ആപ്പിനകത്ത്​ തന്നെ ഡിജിറ്റൽ പേയ്​മൻറ്​ സംവിധാനമായ 'വാട്​സ്​ആപ്പ്​ പേ' അവതരിപ്പിച്ച്​, ഇന്ത്യയിലുള്ള കോടിക്കണക്കിന്​ യൂസർമാരെ അത്​ ഉപയോഗിക്കാൻ നിർബന്ധിക്കുകയാണെന്നും അവർക്ക്​ രാജ്യത്തുള്ള ജനപിന്തുണ അവർ ചൂഷണം ചെയ്യുകയാണെന്നുമായിരുന്നു ഒൗദ്യോഗികമായി ലഭിച്ച പരാതി. നേരത്തെ ബ്രസീലും 'വാട്​സ്​ആപ്പ്​ പേ'ക്കെതിരെ രംഗത്തെത്തിയിരുന്നു.

ചൊവ്വാഴ്​ച പരസ്യപ്പെടുത്തിയ 41 പേജുള്ള ഒൗദ്യോഗിക ഉത്തരവിൽ കോമ്പറ്റീഷൻ കമ്മീഷൻ ഒാഫ്​ ഇന്ത്യ വാട്​സ്​ആപ്പി​െൻറ കാര്യത്തിൽ ആൻറി ട്രസ്​റ്റ്​ നിയമങ്ങളുടെ ലംഘനങ്ങളൊന്നും കണ്ടെത്തിയിട്ടില്ലെന്ന്​ അറിയിച്ചു. രാജ്യത്ത്​ ആപ്പ്​ ഉപയോഗിക്കുന്നവരിൽ ഒരു ശതമാനം​ ആളുകൾക്ക്​ മാത്രമാണ്​ നിലവിൽ വാട്​സ്​ആപ്പ്​ പേ സംവിധാനം ലഭിക്കുന്നുള്ളൂവെന്നും ഒാർഡറിൽ പറയുന്നുണ്ട്​.

എന്തായാലും സംഭവത്തിൽ വാട്​സ്​ആപ്പ്​ പ്രതികരണവുമായി രംഗത്തെത്തിയിട്ടില്ല. ഇന്ത്യയിൽ നിലവിൽ ഡിജിറ്റൽ പേയ്​മെൻറ്​ സേവനം നടത്തുന്ന ഗൂഗ്​ൾ പേ, ഫോൺ പേ, പേടിഎം, തുടങ്ങിയ നിരവധി ആപ്പുകൾക്ക്​ വലിയ ഭീഷണിയായിരിക്കും വാട്​സ്​ആപ്പി​െൻറ പുതിയ പേയ്​മെൻറ്​ സംവിധാനം.

Show Full Article
TAGS:whatsapp case whatsapp ban whatsapp Competition Commission 
Web Title - India watchdog throws out antitrust complaint against WhatsApp
Next Story