ഇന്ത്യ-യു.എസ് വിദേശകാര്യ സെക്രട്ടറിമാർ കൂടിക്കാഴ്ച നടത്തും

ന്യൂഡൽഹി: വിദേശകാര്യ സെക്രട്ടറി വിജയ് ഗോഖലെ യു.എസ് വിദേശകാര്യ സെക്രട്ടറി മൈക്ക് പോംപിയോയുമായി കൂടിക്കാഴ്ച ന ടത്തും. മാർച്ച് 11ന് വാഷിങ്ടൺ ഡി.സിയിലെ ഒാഫിസിൽ വെച്ചായിരിക്കും കൂടിക്കാഴ്ച. സുരക്ഷാ, നയതന്ത്ര വിഷയങ്ങളായിരിക്കും ഇരുവരും ചർച്ച ചെയ്യുകയെന്നും വിദേശകാര്യ മന്ത്രാലയം വക്താവ് രവീഷ് കുമാർ അറിയിച്ചു.

ത്രിദിന സന്ദർശനത്തിനിടെ രാഷ്ട്രീയകാര്യ അണ്ടർ സെക്രട്ടറി ഡേവിഡ് ഹാലെ, ആയുധ നിയന്ത്രണ-രാജ്യാന്തര സുരക്ഷാകാര്യ അണ്ടർ സെക്രട്ടറി ആൻഡ്രിയ തോംസൺ എന്നിവരുമായും വിജയ് ഗോഖലെ ചർച്ചകൾ നടത്തും.

ജമ്മു കശ്മീരിലെ പുൽവാമയിലെ പാക് ഭീകരസംഘടന ജയ്ശെ മുഹമ്മദിന്‍റെ ഭീകരാക്രമണത്തിന്‍റെയും ഇന്ത്യ ബാലാക്കോട്ടിൽ നടത്തിയ വ്യോമാക്രമണത്തിന്‍റെയും പശ്ചാത്തലത്തിൽ വിദേശകാര്യ സെക്രട്ടറിമാരുടെ കൂടിക്കാഴ്ചക്ക് വലിയ പ്രാധാന്യമാണുള്ളത്.