ഇറാനിൽ നിന്ന് രണ്ടാംഘട്ട ഒഴിപ്പിക്കലിന് ഇന്ത്യ; തുർക്മെനിസ്താൻ വഴി മുന്നൂറോളം പേരെ നാട്ടിലെത്തിക്കും

ന്യൂഡൽഹി: ഓപറേഷൻ സിന്ധുവിന്‍റെ ഭാഗമായി ഇറാനിൽ നിന്ന് രണ്ടാംഘട്ട ഒഴിപ്പിക്കലിന് ഇന്ത്യ. തുർക്മെനിസ്താൻ വഴി മുന്നൂറോളം ഇന്ത്യക്കാരെ നാട്ടിലെത്തിക്കാനാണ് കേന്ദ്ര വിദേശകാര്യ മന്ത്രാലയത്തിന്‍റെ തീരുമാനം.

തുർക്മെനിസ്താനിൽ നിന്ന് 350 പേർ ഇന്ത്യയിലേക്ക് മടങ്ങാൻ താൽപര്യം അറിയിച്ചിട്ടുണ്ട്. ഇവരെ രണ്ട് ഘട്ടമായി ഡൽഹിയിൽ എത്തിക്കാനാണ് വിദേശകാര്യ മന്ത്രാലയം ആലോചിക്കുന്നത്. ഇതിൽ കൂടുതലും വിദ്യാർഥികളാണ്. കൂട്ടമായി പൗരന്മാരെ ഒഴിപ്പിക്കാത്ത സാഹചര്യത്തിൽ ഇന്ത്യൻ വ്യോമസേനയുടെ പ്രത്യേക വിമാനം ഒഴിപ്പിക്കലിന് ഉപയോഗിക്കില്ല.

കഴിഞ്ഞ ദിവസം ഇറാനിൽ നിന്ന് അർമേനിയയിൽ കരമാർഗം എത്തിയ 110 ഇന്ത്യൻ വിദ്യാർഥികളെ ഒഴിപ്പിച്ചിരുന്നു. അതിൽ 90 പേർ കശ്മീർ സ്വദേശികളാണ്. ഡൽഹി, മഹാരാഷ്ട്ര, രാജസ്ഥാൻ, ബിഹാർ, പശ്ചിമ ബംഗാൾ സംസ്ഥാനങ്ങളിൽ നിന്നുള്ളവർ. തെഹ്റാനിൽ നിന്ന് 148 കിലോമീറ്റർ അകലെ ക്വോമിലേക്ക് 600 വിദ്യാർഥികളെ മാറ്റിയിരുന്നു.

അതേസമയം, ഇ​സ്രാ​യേ​ലി​ൽ കു​ടു​ങ്ങി​ക്കി​ട​ക്കു​ന്ന​വ​രെ​യും തി​രി​കെ​യെ​ത്തി​ക്കാ​ൻ ‘ഓ​പ​റേ​ഷ​ൻ സി​ന്ധു’​വു​മാ​യി മു​ന്നോ​ട്ടു​പോ​കാ​ൻ കേ​ന്ദ്ര​സ​ർ​ക്കാ​ർ തീ​രു​മാ​നിച്ചിട്ടുണ്ട്.

ഇ​സ്രാ​യേ​ലി​ലു​ള്ള ഇ​ന്ത്യ​ൻ പൗ​ര​ൻ​മാ​രെ ക​ര​മാ​ർ​ഗം അ​തി​ർ​ത്തി രാ​ജ്യ​ങ്ങ​ളി​ലെ​ത്തി​ച്ച് തു​ട​ർ​ന്ന് ഡ​ൽ​ഹി​യി​ൽ കൊ​ണ്ടു​വ​രാ​നാ​ണ് ആ​ലോ​ചി​ക്കു​ന്ന​ത്. 36000 പേരെയെങ്കിലും ഒഴിപ്പിക്കേണ്ടി വരുമെന്നാണ് വിദേശകാര്യ മന്ത്രാലയം പറയുന്നത്.

ഇ​സ്രാ​യേ​ലി​ലു​ള്ള ഇ​ന്ത്യ​ൻ പൗ​ര​ൻ​മാ​ർ തെ​ൽ അ​വി​വ് എം​ബ​സി​യി​ൽ ര​ജി​സ്റ്റ​ർ ചെ​യ്യ​ണ​മെ​ന്ന് കേ​ന്ദ്ര​സ​ർ​ക്കാ​ർ അ​ഭ്യ​ർ​ഥി​ച്ചു. തെ​ൽ അ​വി​വി​ലെ ഇ​ന്ത്യ​ൻ എം​ബ​സി​യി​ൽ 24 മ​ണി​ക്കൂ​റും പ്ര​വ​ർ​ത്തി​ക്കു​ന്ന ക​ൺ​ട്രോ​ൾ റൂ​മു​മാ​യി +972 54-7520711, +972 54-3278392 ടെ​ലി​ഫോ​ൺ ന​മ്പ​റു​ക​ൾ വ​ഴി​യും cons1.telaviv@mea.gov.in ഇ-​മെ​യി​ൽ വ​ഴി​യും ബ​ന്ധ​പ്പെ​ടാം.