കോവിഡിനെതിരെ നാലു മരുന്നുകൾ വികസിപ്പിച്ചതായി ആയുഷ്​ മന്ത്രി

ന്യൂഡൽഹി: കോവിഡ്​-19നെതിരെ പരമ്പരാഗത രീതിയിൽ നാലു മരുന്നുകൾ വികസിപ്പിച്ചതായും ഒരാഴ്​ചക്കുള്ളിൽ പരീക്ഷണം നടത്തുമെന്ന്​ കേന്ദ്ര ആയുഷ്​ മന്ത്രി ശ്രീപദ്​ വൈ നായിക്​. ആയുർവേദ, യോഗ, യുനാനി,സിദ്ധ,ഹോമിയോപതി എന്നീ അഞ്ച്​ ആരോഗ്യ മേഖലകളെ സംയോജിപ്പിക്കുന്ന മന്ത്രാലയമാണ്​ ആയുഷ്​.

ദ കൗൺസിൽ ആൻഡ്​ ഇൻഡസ്​ട്രിയൽ റിസർച്ച്​(സി.എസ്​.ഐ.ആർ)​​െൻറ സഹകരണത്തോടെയാണ്​ ആയുഷ്​ മന്ത്രാലയം  മരുന്ന്​ പരീക്ഷണം നടത്തുന്നത്​. കോവിഡിനെതിരെ മരുന്നുകൾ ഫലപ്രദമായിരിക്കുമെന്ന്​ പ്രതീക്ഷയുണ്ടെന്നും കേ​ന്ദ്രമന്ത്രി ട്വീറ്റ്​ ചെയ്​തു.

കോവിഡിനെതിരെ വാക്​സിൻ വികസിപ്പിക്കുന്നതു വരെ വിവിധ മരുന്നുകൾ ഉപയോഗിച്ച്​ രോഗികളെ ​ശുശ്രൂഷിക്കുകയാണ്​ ചെയ്യുന്നത്​. എന്നാൽ ആയുർവേദവും മറ്റും കോവിഡിനെ പ്രതിരോധിക്കുമെന്ന പഠനങ്ങൾ നടത്തിയിട്ടില്ല. രോഗമുക്​തരായവരിൽ നിന്ന്​ ശേഖരിക്കുന്ന പ്ലാസ്​മ വൈറസ്​ ബാധിതരിൽ ഫലപ്രദമാണെന്ന്​ കണ്ടെത്തിയിരുന്നു