ബീജിങ്ങിലെ ബെൽറ്റ്​–റോഡ്​ ഉച്ചകോടിയിൽ നിന്ന്​ ഇന്ത്യ പിൻമാറി

ന്യൂഡൽഹി: ചൈനയു​ടെ തലസ്​ഥാനമായ ബീജിങ്ങിൽ ഇന്ന്​ നടക്കുന്ന ബെൽറ്റ്​–റോഡ്​ ഫോറത്തിൽ പ​െങ്കടുക്കുന്നതിൽ നിന്ന്​ ഇന്ത്യ പിൻമാറി. രാജ്യത്തി​​​​െൻറ പരമാധികാരവും ദേശത്തി​​​​െൻറ സമന്വയവും ലംഘിക്കുന്ന പദ്ധതിയാണെന്ന്​ ആരോപിച്ചാണ്​ ​ഫോറത്തിൽ പ​​െങ്കടുക്കുന്നതിൽ നിന്ന്​ ഇന്ത്യ പിൻമാറിയത്​. 

ചൈനയുടെ അഭിമാന പദ്ധതിയായ 'ബെൽറ്റ്​–റോഡ്​ ഇനീഷ്യേറ്റീവി​'​​​െൻറ തുടക്കമായി കൊണ്ടുവന്ന പദ്ധതിയാണ്​ ചൈന–പാക്​ ഇക്കണോമിക്​ കോറിഡോർ. ബീജിങ്ങിൽ നടക്കുന്ന രണ്ടു ദിവസത്തെ ബെൽറ്റ്​–റോഡ്​ ഫോറത്തിൽ പദ്ധതിയെ കുറിച്ച്​ രൂപരേഖയാകുമെന്നാണ്​ കരുതുന്നത്​. ചൈന–പാക്​ കോറിഡോർ പാക്​ അധീന കശ്​മീരിലെ ഗിൽഗിത്​, ബൽതിസ്​താൻ എന്നിവിടങ്ങളിലൂടെ കടന്നുപോകുന്നുണ്ട്​. 

എന്നാൽ, പാക്​ അധീന കശ്​മീരും ഇന്ത്യയുടെ അവിഭാജ്യ ഭാഗമാണെന്നാണ്​ ഇന്ത്യൻ നിലപാട്​. ഇത് ലംഘിക്കുന്ന പദ്ധതിയുടെ ചർച്ചയുമായി സഹകരിക്കേ​െണ്ടന്ന നിലപാടിലാണ്​ കേന്ദ്ര സർക്കാർ. അതേസമയം, വ്യാപാര ഇടനാഴിയെ അംഗീകരിക്കുന്നത്​ കശ്​മീരിനെ സംബന്ധിക്കുന്ന ഇന്ത്യൻ നിലപാടിൽ  ഒരു മാറ്റവും ഉണ്ടാക്കുന്നതല്ലെന്ന്​ ചൈന പറയുന്നു. കശ്​മീർ പ്രശ്​നം ഇന്ത്യയും പാകിസ്​താനും ചർച്ച ചെയ്​ത്​ തീർക്കേണ്ടതാണെന്നും ചൈന അഭിപ്രായപ്പെടുന്നു. 

ബെൽറ്റ്​–റോഡ്​ ഉച്ചകോടിയിൽ ആറു ഉടമ്പടികൾ ചൈനയും പാകിസ്​താനും ഒപ്പുവെക്കുന്നുണ്ട്​. അതിലൊന്നാണ്​ ഗ്വദാർ പോർട്ട്​ സിറ്റിയിൽ വിമാനത്താവളം നിർമിക്കുന്ന പദ്ധതി​. ഇന്ത്യൻ നാവിക​േസനയുടെ വെസ്​​േറ്റൺ നേവൽ കമാൻഡ്​ ആസ്ഥാനം സ്ഥിതി ചെയ്യുന്നത് മുംബൈ പോർട്ടാണ്​. ഇതിന്​ നേരെ എതിർവശത്താണ്​ ഗ്വദാർ പോർട്ട്​ സിറ്റി. ഗ്വദാർ പോർട്ട്​ സിറ്റിയിൽ ഇടം നൽകുന്നത്​ അറബിക്കടലിലേക്കും അതുവഴി ഇന്ത്യൻ സമുദ്രത്തിലേക്കും ചൈനക്ക്​ സ്വാധീനം ഉറപ്പിക്കാൻ വഴി തുറക്കുമെന്ന് ഇന്ത്യ ഭയപ്പെടുന്നു.