Top
Begin typing your search above and press return to search.
keyboard_arrow_down
Login
exit_to_app
exit_to_app
Homechevron_rightNewschevron_rightIndiachevron_rightപട്ടിണിയുടെ കാര്യത്തിൽ ...

പട്ടിണിയുടെ കാര്യത്തിൽ ഇന്ത്യയുടെ സ്​ഥാനം നേപ്പാളിനും പാകിസ്​താനും പിന്നിൽ

text_fields
bookmark_border
പട്ടിണിയുടെ കാര്യത്തിൽ ഇന്ത്യയുടെ സ്​ഥാനം നേപ്പാളിനും പാകിസ്​താനും പിന്നിൽ
cancel

ന്യൂഡൽഹി: ഈ വർഷത്തെ ആഗോള പട്ടിണി സൂചികയിൽ (ജി.ഐ.എച്ച്​) അയൽരാജ്യങ്ങളായ നേപ്പാൾ, പാകിസ്​താൻ, ബംഗ്ലാദേശ്​ എന്നീ രാജ്യങ്ങൾക്കും പിന്നിൽ ഇന്ത്യ 102ാം സ്​ഥാനത്ത്​. 117 രാജ്യങ്ങളുടെ പട്ടികയിലാണ്​ ഇന്ത്യയുടെ 102ാം സ്​ഥാനം. കഴിഞ്ഞവർ ഷം 119 രാജ്യങ്ങളുടെ പട്ടികയിൽ ഇന്ത്യ 103ാം സ്​ഥാനത്തായിരുന്നു. അതേസമയം, 2000ൽ 113 രാജ്യങ്ങള​ുടെ കണക്കെടുത്തപ്പോൾ ഇന്ത ്യയുടെ സ്​ഥാനം 83 ആയിരുന്നു.

പോഷകാഹാരക്കുറവ്​, ഭാരമില്ലായ്​മ, വളർച്ച മുരടിപ്പ്​, ശിശുമരണം എന്നീ മാനദണ്ഡങ്ങൾ കണക്കാക്കിയാണ്​ പട്ടിക പ്രസിദ്ധ​ീകരിച്ചത്​. ഇന്ത്യയിൽ നാലു മേഖലയിലും ആറു​ മാസം മുതൽ 23 മാസം വരെ പ്രായമുള്ള കുട്ടികളുടെ അവസ്​ഥ പരിതാപകരമാണെന്ന്​ കണക്കുകൾ വ്യക്തമാക്കുന്നു. അയൽ രാജ്യങ്ങളായ നേപ്പാൾ (73), ശ്രീലങ്ക (66), ബംഗ്ലാദേശ്​ (88), മ്യാന്മർ (69), പാകിസ്​താൻ (94) എന്നിവ പട്ടികയിൽ ഇന്ത്യയേക്കൾ മെച്ചപ്പെട്ട നിലയിലാണ്​.

അതേസമയം, അഞ്ച്​ വയസ്സിനു​ താഴെയുള്ള കുട്ടികളുടെ മരണനിരക്കി​​െൻറ കാര്യത്തിലും വളർച്ചയുടെ കാര്യത്തിലും ഇന്ത്യയിലെ കുട്ടികളുടെ അവസ്​ഥ മെച്ചപ്പെട്ടതാണെന്നും റിപ്പോർട്ട്​ ചൂണ്ടിക്കാട്ടുന്നു. വെളിയിട വിസർജനം പോലുള്ള ശുചിത്വ കാര്യത്തിൽ രാജ്യം ഇപ്പോഴും മികച്ച നില കൈവരിച്ചിട്ടില്ലെന്നും റിപ്പോർട്ടിൽ വ്യക്​തമാക്കി.

പ്രധാനമന്ത്രിയെ കടന്നാക്രമിച്ച്​ കപിൽ സിബൽ

ന്യൂഡൽഹി: ലോക പട്ടിണി പട്ടികയിൽ ഇന്ത്യ 102ാം സ്​ഥാനത്താണെന്ന റിപ്പോർട്ടിൽ പ്രധാനമന്ത്രിയെ കടന്നാക്രമിച്ച്​ മുതിർന്ന കോൺഗ്രസ്​ നേതാവ്​ കപിൽ സിബൽ. പ്രധാനമന്ത്രി രാഷ്​ട്രീയത്തിൽ കുറച്ചും രാജ്യത്തെ കുട്ടികളുടെ കാര്യത്തിൽ കൂടുതലും ശ്രദ്ധ കൊടുക്കണമെന്ന്​ അദ്ദേഹം പറഞ്ഞു.

കുട്ടികളാണ്​ രാജ്യ​ത്തി​​െൻറ ഭാവി. ആറ്​ മാസം മുതൽ 23 മാസം വരെ പ്രായമുള്ള 93 ശതമാനം കുട്ടികൾക്കും കുറഞ്ഞ പോഷകാഹാരം പോലും ലഭിക്കുന്നില്ലെന്ന്​ കപിൽ സിബൽ വ്യക്​തമാക്കി.

Show Full Article
TAGS:Global Hunger Index hunger india news malayalam news 
Next Story