'ഒരു സഹായവും ഇന്ത്യ നിരസിക്കരുത്​, അത്​ ചൈനയും പാകിസ്​താനും നൽകുന്നതാണെങ്കിലും'

ന്യൂഡൽഹി: കോവിഡ​്​ കാരണം ദുരിതത്തിലായ ഇന്ത്യ, ചൈനയും പാകിസ്​താനും ഉൾപ്പെടെ ഏത്​ രാജ്യങ്ങളും നീട്ടുന്ന സഹായഹസ്​തങ്ങൾ നിരസിക്കരുതെന്ന്​ രാജ്യസഭ മുൻ എം.പിയും നയതന്ത്രജ്​ഞനുമായ പവൻ കെ. വർമ. 'ദെ ക്വിൻറി'ന്​ നൽകിയ അഭിമുഖത്തിലാണ്​ അദ്ദേഹം ത​െൻറ അഭിപ്രായം വ്യക്​തമാക്കിയത്​.

'കോവിഡ്​ കാരണം പാകിസ്​താനും ബുദ്ധിമുട്ടുന്നുണ്ട്​. പ്രയാസങ്ങൾ ഉള്ളതിനാൽ അവരുടെ സഹായം ചെറുതായിരിക്കാം. ഇന്ത്യയുമായി ശത്രുതയുള്ള രാജ്യം എന്ന നിലക്ക്​ ചൈനയുടെ സഹായ വാഗ്​ദാനത്തിൽ ചിലപ്പോൾ ആത്​മാർഥതക്കുറവുണ്ടാകാം. പക്ഷെ, നമ്മുടെ വീടിന്​ തീപിടിക്കു​േമ്പാൾ ഏത്​ ഉറവിടത്തിൽനിന്നുള്ള വെള്ളവും സ്വീകരിക്കുകയാണ്​ പതിവ്​. ഇതിനെയും അതുപോലെ കണ്ടാൽ മതി. അവരുടെ വാഗ്​ദാനങ്ങൾ സ്വീകരിച്ച്​ രാജ്യത്തെ ജനങ്ങളെ രക്ഷിക്കാനാണ്​ ഇപ്പോൾ ​ശ്രമിക്കേണ്ടത്​.

കോവിഡി​െൻറ രണ്ടാം തരംഗത്തെ നേരിടാൻ കേന്ദ്ര സർക്കാർ ഒരിക്കലും തയാറെടുത്തിരുന്നില്ല. മറ്റു രാജ്യങ്ങളോട്​ സഹായം ആവ​ശ്യപ്പെടാൻ സർക്കാറിനോട്​ പലരും നിർദേശിച്ചെങ്കിലും അവരത്​ ചെവികൊണ്ടില്ല. ആവശ്യങ്ങൾ മുൻകൂട്ടി കണ്ട്​ ഒാക്​സിജൻ പ്ലാൻറുകൾ​ പോലും നിർമിക്കാത്ത രാജ്യത്തെ 'ലോക ഫാർമസി' എന്ന്​ വിളിച്ച്​ എങ്ങനെ അഭിമാനം കൊള്ളാനാകും. അഹങ്കാരത്തി​െൻറയും കഴിവുകേടി​െൻറയും ഉത്തമ ഉദാഹരണമാണിത്​. എന്ത് സംഭവിക്കുമെന്ന് മുൻകൂട്ടി കണ്ട രാജ്യങ്ങൾ രണ്ടാം തരംഗത്തെ നേരിടാനുള്ള തയാറെടുപ്പുകൾ നടത്തി. മാത്രമല്ല, മറ്റ് രാജ്യങ്ങളിലേക്ക് ആവശ്യമായ സഹായം സമയബന്ധിതമായി നൽകുകയും ചെയ്യുന്നു.

കോവിഡ്​ തടയുന്നതി​െൻറ ഭാഗമായി അതിർത്തികൾ അടച്ചും വിമാനങ്ങ​ൾ റദ്ദാക്കിയും ഇന്ത്യക്കാരെ പല രാജ്യങ്ങളും വിലക്കിയിരിക്കുകയാണ്​. ഇങ്ങനെയാണെങ്കിലും ഇൗ രാജ്യങ്ങൾ ഇന്ത്യയെ സഹായിക്കാൻ സന്മനസ്സ്​ കാണിക്കുന്നതിൽ താൻ സന്തോഷവാനാണ്​. ഇന്ത്യ അവയെല്ലാം സ്വീകരിക്കുകയാണ്​ വേണ്ടത്​.

വിദേശ രാജ്യങ്ങളുമായുള്ള നമ്മുടെ നയതന്ത്രങ്ങൾ ഒരൊറ്റ രാത്രി കൊണ്ട്​ ഉണ്ടായതല്ല. 1947 മുതൽ പടിപടിയായി പടുത്തുയർത്തിയതാണത്​. അതിനാലാണ്​​ മറ്റു രാജ്യങ്ങൾ ഇന്ന്​ നമ്മെ അംഗീകരിക്കുന്നത്​. വിദേശനയത്തിൽ ആരാണ് മികച്ചതെന്ന ചർച്ച തന്നെ അനാവശ്യമാണ്​​. കാരണം നമ്മുടെ നേട്ടങ്ങൾ തുടർച്ചയെന്നോണം ലഭിച്ചതാണ്​.

ഇന്ത്യക്ക്​ എവിടെയാണ്​ തെറ്റ്​ സംഭവിച്ചതെന്ന്​ നമുക്കിപ്പോൾ മനസ്സിലായി. എന്തിനാണ്​ മുൻഗണന നൽകേണ്ടതെന്ന്​ ഇനിയെങ്കിലും മനസ്സിലാക്കണം. മെച്ചപ്പെട്ട ആരോഗ്യ അടിസ്​ഥാന സൗകര്യങ്ങൾ, ആവശ്യമായ വാക്​സിൻ സംവിധാനം എന്നിവയെല്ലാം ഒരുക്കണം. ഈ ലക്ഷ്യങ്ങൾ കൈവരിക്കുന്നതിനാകണം നമ്മുടെ വിദേശനയങ്ങൾ ഉപയോഗപ്പെടുത്തേണ്ടത്​ ^പവൻ കെ. വർമ പറയുന്നു.