ഡൽഹി ലോകത്തേറ്റവും മലിനീകരിക്കപ്പെട്ട നഗരം

ജനീവ: ലോകത്തെ ഏറ്റവും മോശമായ രീതിയിൽ പരിസരമലിനീകരണമാണ്​ ഇന്ത്യയിൽ നടക്കുന്നതെന്ന്​ ലോകാരോഗ്യ സംഘടന. ലോകത്ത്​ ഏറ്റവും മലിനീകരിക്കപ്പെട്ട നഗരം ഡൽഹിയാണെന്നും ഡബ്ല്യു.എച്ച്​.ഒ പറഞ്ഞു. മുംബൈക്ക്​ നാലാലം സ്​ഥാനമുണ്ട്​. നഗരങ്ങളിലെ അന്തരീക്ഷം ശുദ്ധീകരിക്കുന്ന നടപടികൾക്ക്​ ഇന്ത്യ ​ൈചനയെ മാതൃകയാക്കണമെന്നും ഡബ്ല്യു.എച്ച്​.ഒ ആവശ്യപ്പെട്ടു. 

ന്യൂഡൽഹി, വാരണാസി, പാട്​ന തുടങ്ങി 4,300 നഗങ്ങൾ അത്യധികം മലിനീകരിക്കപ്പെട്ടതാണെന്ന്​ ലോകാരോഗ്യ സംഘടനയുടെ സർവേ പറയുന്നു. ചൈനയിലെ സിങ്​ടായ്​, ഷിജിയാസുവാങ്​ തുടങ്ങിയ സ്ഥങ്ങളെല്ലാം നാലഞ്ച്​ വർഷം മുമ്പ്​ വ​ളരെ മലിനീകരിക്കപ്പെട്ട നഗരങ്ങളായിരുന്നു. എന്നാൽ ചൈന പിന്നീട്​ മലിനീകരണം വലിയ തോതിൽ നിയന്ത്രിച്ചു. 

സർക്കാർ തലത്തിൽ മലിനീകരണത്തിനെതിരെ യുദ്ധം തന്നെ പ്രഖ്യാപിച്ചു. അതേനീക്കം ഇന്ത്യയിലും ഉണ്ടാവുകയാണെങ്കിൽ വളരെ നല്ലതായിരിക്കുമെന്നും ലോകാരോഗ്യ സംഘടനാ അധികൃതർ അറിയിച്ചു. 

ഭൂമിയി​െല 10ൽ ഒമ്പതു പേരും മലിനമായ വായുവാണ്​ ശ്വസിക്കുന്നത്​. ഇതു മൂലം ഏഴ്​ മില്യൺ ജനങ്ങൾ പ്രതിവർഷം കൊല്ലപ്പെടുന്നു. ഹൃ​േദ്രാഗം, സ്​ട്രോക്ക്​, ശ്വാസകോശ കാൻസർ എന്നീ രോഗങ്ങളിൽ കാൽഭാഗവും വായുമലിനീകരണം കൊണ്ടുണ്ടാകുന്നതാണെന്നും ലോകാരോഗ്യ സംഘടന വ്യക്​തമാക്കി.