സ്​പുട്​നിക്​ -5; റഷ്യയുമായി ചർച്ച നടത്തിയെന്ന്​ കേന്ദ്ര ആരോഗ്യ മന്ത്രാലയം

ന്യൂഡൽഹി: കോവിഡ്​ 19 വാക്​സിൻ സ്​പുട്​നിക്​ -5 സംബന്ധിച്ച് റഷ്യയുമായി​ ചർച്ച നടത്തിയെന്ന്​ കേന്ദ്ര ആരോഗ്യമന്ത്രാലയം. 'കോവിഡ്​ വാക്​സിൻ സ്​പുട്​നിക്​ -5 മായി ബന്ധപ്പെ​ട്ട്​ റഷ്യയുമായി സംസാരിച്ചു. ചില പ്രാഥമിക വിവരങ്ങൾ ഇരു രാജ്യങ്ങളും തമ്മിൽ പങ്കുവെക്കുകയും ​ ചെയ്​തു' കേന്ദ്ര ആരോഗ്യ മന്ത്രാലയം സെക്രട്ടറി രാജേഷ്​ ഭൂഷൺ പറഞ്ഞു.

കോവിഡ്​ 19നെ പ്രതിരോധിക്കുന്ന ലോകത്തിലെ ആദ്യ കോവിഡ്​ വാക്​സിൻ സ്​പുട്​നിക്​ -5 റഷ്യ വികസിപ്പിച്ചതായി പ്രസിഡൻറ്​ വ്ലാഡിമിർ പുടിൻ പറഞ്ഞിരുന്നു. കോവിഡ്​ വാക്​സിനെതിരായ ആദ്യവാക്​സിൻ ഈ മാസം അവസാനത്തോടെ തദ്ദേശീയമായി ഉൽപ്പാദിപ്പിക്കുമെന്നും പുടിൻ അറിയിച്ചിരുന്നു.

അതേസമയം വാക്​സിൻ പരീക്ഷണം വൻതോതിൽ നടത്താൻ തയാറെടുക്കുന്നതിനെതിരെ ചില ശാസ്​ത്രജ്ഞർ ആശങ്ക ഉയർത്തി രംഗത്തെത്തിയിരുന്നു. അന്താരാഷ്​ട്ര തലത്തിൽ അംഗീകാരമുള്ള എല്ലാ പരിശോധനകളും നടപടികളും സ്വീകരിച്ച്​ ഫലപ്രദമെന്ന്​ തെളിയുന്നതുവരെ വാക്​സി​െൻറ ഉപയോഗത്തിനെതിരെ മുന്നറിയിപ്പ്​ നൽകുകയും ചെയ്​തിരുന്നു.